EPS Nepal family :दक्षिण कोरियामा अब धेरैजसो तल्लो तहका कामदारहरु जस्तै कारखाना, निर्माण, ढुवानी जस्ता शारीरिक श्रम गर्ने कामदारहरूलाई गर्मीयाममा छोटो पाइन्ट लगाएर काम गर्न अनुमति दिइएको छ। यसअघि त्यस्ता कामदारहरूले पनि लामा पाइन्ट लगाउनुपर्थ्यो, जुन गर्मीको समयमा असहज हुन्थ्यो।
सरकारले ऊर्जा खपत घटाउने उद्देश्यले सन् २०२५ को गर्मीयामदेखि ‘कूल वर्कवेयर’ नीति अघि सारेको हो, जसअनुसार कामदारहरूले कार्यस्थलमा हलुका र हावा पार हुने सितल कपडा लगाउन पाउने छन्। यसले कामदारहरूको सहजता, कार्यक्षमता र सन्तुष्टिमा वृद्धि हुने अपेक्षा गरिएको छ।
साथै, विभिन्न ठूला कम्पनीहरूले पनि आफ्नो आन्तरिक नियम परिवर्तन गर्दै हाल्फ पाइन्टलाई अनुमति दिन थालेका छन्। यो परिवर्तनले केवल अफिस कर्मचारीहरूमा सीमित नरही अब शारिरिक श्रम गर्ने कामदारहरू समेत लाभान्वित हुनेछन्।
यो कदम कार्यस्थलमा लचिलोपन र मानवकेन्द्रित कार्य वातावरण निर्माणतर्फ एक सकारात्मक संकेत मानिएको छ।
