विशाल आवाज: मिर्याङ नेपाली समाज दक्षिण कोरियाको नवौ अधिवेशन मे ११ तारिख मिर्याङमा हुने भएको छ।
“सवै जातजाति विचको एकता, जवाफदेही र पारदर्शी समाज निर्माणमा हाम्रो प्रतिवद्धता” भन्ने मूल नाराका साथ मिर्याङमा रहेका नेपाली हरु समेटेर सन् २०१५ मा स्थापित सामाजिक संस्था मिर्याङ नेपाली समाज दक्षिण कोरियाले स्थापनाकालदेखि नै कोरियामा विभिन्न पेशा तथा व्यवसायमा आबद्द नेपालीहरू बीच आपसी सहयोग, समझदारी, सद्भाव र भाइचारा अभिबृद्दि गर्दै कोरिया लगायत नेपालमा सामाजिक कार्यमा हातेमालो समेत गर्दै आइरहेको छ। यति मात्रै नभएर समाजले बर्सेनी रुपमा कोरियाको प्रख्यात जेजुदो टुर पनि गराउँदै आइरहेको छ
यही आउँदो मे ११ तारिख आइतबारका दिन ख्यङसाङनाम्दो मिर्याङ स्थित 시청동길 18-3 मा हुने मिर्याङ नेपाली समाज, दक्षिण कोरियाको नवौ अधिवेशन लाई सभ्य र भव्यताका साथमा सम्पन्न पार्नका लागि दक्षिण कोरियाबासी सम्पूर्ण नेपालीहरूमा आयोजकले हार्दिक निमन्त्रणा समेत गरेको छ।
