विशाल आवाज: दक्षिण कोरियामा रहेका सम्पूर्ण रसुवाली दाजुभाई तथा दिदीबहिनीहरूलाई एकताबद्ध गर्दै अगाडि बढ्ने उद्देश्यका साथ दक्षिण कोरियामा पनि आइतबारका दिन रसुवा समाज दक्षिण कोरियाको गठन गरिएको छ।
आइतबारका दिन दक्षिण कोरियाको राजधानी सौलको दोङ्गेमुन स्थित दर्शन नमस्ते रेस्टुरेन्टको सभाहलमा आयोजित रसुवा समाज दक्षिण कोरियाको कार्यसमिति गठन तथा घोषणा कार्यक्रमबाट गोपीप्रसाद न्यौपाने (गौरभ न्यौपाने) को अध्यक्षतामा १९ सदस्यीय नयाँ कार्यसमिति चयन गरिएको छ। बागमती प्रदेश एकता समाजको अध्यक्ष सरोज केसीको प्रमुख अतिथ्यता तथा दक्षिण कोरियामा रहेका विभिन्न संघसंस्थाका पदाधिकारीहरू लगायत पत्रकारहरूको रहोबरमा सम्पन्न समाजको कार्यसमिति गठन तथा घोषणा कार्यक्रमबाट नयाँ कार्यसमिति गठन गरिएको हो।
नयाँ कार्यसमितिको वरिष्ठ उपाध्यक्षमा फुर्पु दोर्जे तामाङ, उपाध्यक्षमा नुर्बु थोक्रा, अन्जली तामाङ (अन्जि तामाङ), सचिवमा निमा ब्लोन, सहसचिवमा सुमन तामाङ ( shirline tamang), कोषाध्यक्षमा दावा तामाङ, सह कोषाध्यक्षमा रमेश न्यौपाने र सदस्यहरूमा आकाश लामा,भुवन लामा, लाक्पा छेन्जोङ तामाङ, रुपेश आचार्य ,कुमार आचार्य, पासाङ नोर्बु तामाङ, राजेश न्यौपाने, पूर्ण तामाङ, पासंग तामाङ, मिङमार दोर्जे तामाङ, लाक्पा सोनाम तामाङ गरि १९ सदस्यीय कार्यसमिति चयन गरिएको छ।
