विशाल आवाज: ह्वाइट डक इन्टरटेन्मेन्ट प्राइभेट लिमिटेड को आयोजनामा कृषा चौलागाईको निर्देशनमा बनेको बहुप्रतिक्षित नेपाली चलचित्र “पिताम्बर” अप्रिल १३ तारिख सउल स्थित जोगेसाको हलमा प्रदर्शन हुने भएको छ।
ह्वाइट डक इन्टरटेन्मेन्ट प्राइभेट लिमिटेडले “पिताम्बर” चलचित्र यहि अप्रिल १३ तारिख आइतबारका दिन दक्षिण कोरियाको सौलस्थित जोगेसाको हलमा प्रदर्शन गर्न लागेको हो। मध्यान्न १२:३० बाट प्रदर्शन हुने चलचित्रको प्रवेश शुल्क २५ हजार कोरियन वन तोकेको छ भने अनलाइन टिकटको बुकिङ समेत खुल्ला भइसकेको आयोजकले जनाएको छ।
कोरिया प्रदर्शन अधिकारको जिम्मा पाएसँगै White duck Entertainment Pvt.Ltd पिताम्बर कोरियाका बिभिन्न शहरहरुमा प्रदर्शन गर्ने वितरण टिमले वताएका छन। यसैगरी दक्षिण कोरियाको विभिन्न सहरहरूमा प्रदर्शन गर्नका लागि विभिन्न संघसंस्था लगायत व्यक्तिहरुले बितरकलाई सम्पर्क गर्नुहुन समेत आग्रह गरेको छ।
कृषा चौलागाईंको निर्देशनमा तयार भएको पिताम्बरमा नेपाली सिने उधोगका आधा दर्जन बढी मल्टिस्टार हरुको अभिनय रहेको छ। प्रदीप खड्का, सौगात मल्ल, दयाहाङ राई, अनुपविक्रम शाही, सुरक्षा पन्त, सुपुष्पा भट्ट, दिव्या रायमाझी, प्रमोद अग्रहरि, आर्यन सिग्देल, गौरी मल्ल, रविन्द्र झालगायत कलाकारहरूको अभिनय छ।
आशिष अबिरल र बाबुल गिरिको संगीत रहेको चलचित्रमा हिमाल केसिको दोन्द तथा पिताम्बर फिल्ममा पुरूषोत्तम प्रधानको डीओपी, शेरबहादुर लामा र मानकृष्ण महर्जनको छायांकन, बन्दे प्रसादको सम्पादन छ।
विशाल चौलागाईं निर्माता रहेको पिताम्बर फिल्ममा पुरूषोत्तम प्रधान, आध्या लामिछाने र आरोह चौलागाईं सह-निर्माता छन्। सुमन गौतम कार्यकारी निर्माता रहेको फिल्मको पटकथा र संवाद प्रदीप भारद्वाज र अभिमन्यु निरवीले लेखेका हुन्।
