विशाल श्रेष्ठ/दक्षिण कोरिया: कोरियन नयाँ वर्ष सलनालको अवसरमा खोटाङ सेवा समाज दक्षिण कोरियाद्वारा जनवरी २९ तारिख आयोजना हुन लागेको “खोटाङ हलेसी सांगीतिक सौगात भाग-५” को पोस्टर आइतबारका दिन सौलमा एक कार्यक्रम गरी सार्वजनिक गरिएको छ।
नेपाली सम्पर्क समिति दक्षिण कोरियाको सहजीकरण र पूर्वी नेपाल समाज दक्षिण कोरियाको समन्वयमा सलनालको दोस्रो दिन जनवरी २९ तारिख बुधबारका दिन हुने “खोटाङ हलेसी सांगीतिक सौगात भाग-५” को पोस्टर आइतबारका दिन दोङ्देमुन स्थित पूर्वी नेपाल समाज दक्षिण कोरियाको हलमा विभिन्न संघ संस्थाका व्यक्तिहरुको उपस्थितिमा सार्बजनिक गरेको हो।
आयोजकले पप स्टार गायक सविन राईको SABIN RAI & PHAROH लाइभ ब्याण्ड संगै नेपालका ख्याति प्राप्त राष्ट्रिय कलाकार हरु गायिका मिना राइ र युवा पुस्तामाझ लोकप्रिय गायक केहर सिङ लिम्बुको साथमा सामाजिक कल्याणकारी सहयोगार्थ कार्यक्रम आयोजना गर्न लागेको जनाएको छ। 서울특별시 강남구 태헬란로 7길 32(국깅원) मा नेपालबाट आमन्त्रित कलाकारहरू र स्थानीय कलाकारहरूको बेजोड प्रस्तुति रहने कार्यक्रम स्थल सम्म पुग्नको लागि दोङ्देमुन ३ नम्बर गेटबाट बसको समेत व्यवस्था गरेको आयोजकले जनाएको छ। दिउसो १ बजे बाट सुरु हुने कार्यक्रमको प्रवेश शुल्क ४० हजार वन रहेको छ।
“खोटाङ हलेसी सांगीतिक सौगात भाग-५”कार्यक्रम लाइ सफल पार्नको लागि विभिन्न समिति बनाएर हाल तिव्र रुपमा अघि बढिरहेको बताउँदै कार्यक्रमलाइ सफल पार्न आर्थिक,नैतिक र भौतिक रुपमा साथ सहयोग गरि कार्यक्रममा प्रत्यक्ष उपस्थिति भइ भब्य मनोरञ्जन लिनुहुन दक्षिण कोरियामा रहेका सम्पूर्ण नेपाली हरूमा आयोजकले अनुरोध समेत गरेको छ।
