विशाल श्रेष्ठ/दक्षिण कोरिया: दक्षिण कोरिया तनहु समाज दक्षिण कोरियाले अगस्ट ११ तारिकका दिन सुवनको आजु युनिभर्सिटी मा आयोजना गर्न लागेको मैत्रीपूर्ण भलिबल प्रतियोगिता “तेस्रो भानुभक्त स्मृति कप भलिबल प्रतियोगिता २०२४ ” को अन्तिम तयारी पुरा भएको छ।
“आपसी मेलमिलाप र सहभागिता, खेलकुद विकासमा प्रवासीको एकता” भन्ने नारा सहित भलिबल खेलको साझा संस्था नेपाल कोरिया भलिबल संघको मातहतमा रहने गरी सो मैत्रीपूर्ण भलिबल प्रतियोगिता सुवन स्थित आजु युनिभर्सिटी को भलिबल स्टेडियममा आयोजना हुँदैछ।
दक्षिण कोरियाको नेपाली भलिबल प्रतियोगितामा पहिलोपटक कोरियन चारजना एम्पायर र एकजना कोरियन बाउन्सर समेत रहने ।
प्रतियोगितामा विजेता टिम र उपविजेता टिमलाई आकर्षक ट्रफी, मेडल र प्रमाण पत्र सहित क्रमशः २० लाख र १२ लाख कोरियन वोन प्रदान गरिने र सान्त्वना स्थान प्राप्त टिमले ४/४ लाख कोरियन वोन सहित मेडल र प्रमाण पत्र प्रदान गरिने बताउँदै अन्य विधातर्फ खेल अवधिभरको उत्कृष्ट खेलाडीले १ लाख कोरियन वोन सहित ट्रफी र प्रमाण पत्र साथै उत्कृष्ट स्पाईकर, उत्कृष्ट लिबेरो, उत्कृष्ट सेटर र उत्कृष्ट ब्लकरले जनही ५० हजार कोरियन वोन सहित मेडल र प्रमाण पत्र प्रदान गरिने खेल संयोजक शिव क्षेत्रीले जानकारी विशाल आवाजलाई जानकारी दिनुभएको छ।
प्रतियोगिताको टाइसिट निम्नानुसार छ कार्यक्रम निर्धारित समयमा सुरु गर्नुपर्ने हुनाले सम्पुर्ण टिमलाई तोकिएको समयमा उपस्थितका लागि आयोजकले अनुरोध समेत गरेको छ।
तनहु समाज दक्षिण कोरिया द्वारा “तेस्रो भानुभक्त स्मृति कप भलिबल प्रतियोगिता २०२४ ”को प्रतियोगिता स्थलमा स्वादिष्ट नेपाली परिकारहरुको व्यवस्था समेत गरिएको हुनाले कोरिया मा रहेका बिभिन्न संघ संस्था का प्रतिनिधि, भलिबल खेल प्रेमी खेलाडी, दर्शक हरू लगायत दक्षिण कोरिया बासि नेपाली सम्पुर्ण जनसमुदायलाई प्रतियोगितामा प्रत्यक्ष उपस्थित जनाएर प्रतियोगिता लाइ सभ्य र भब्य रुपमा सफल पार्नको लागि आयोजकले हार्दिक अनुरोध गरेको छ।
