बिशाल आवाज : सोनसिकले आफ्नो २१ औं वार्षिक साधारण सभा नजिकिँदै गर्दा कोरियामा रहेका ‘नेपाली विद्यार्थीहरूका अवसर र चुनौतीहरू तथा SONSIK को आगामी नेतृत्व’ विषयक अनलाइन अन्तरक्रिया कार्यक्रम गर्ने भएको छ । कार्यक्रम अगस्ट १० तारिख शनिवार बेलुकी ८:३० बजे (कोरियाली समय), बेलुकी ५:१५ बजे (नेपाली समय) मा जुम मा हुने सभापति मेघनाथ पौडेलले जानकारी दिनुभएको छ ।
उच्च अध्ययनका लागि दक्षिण कोरिया आउनु भएका सम्पूर्ण नेपाली विद्यार्थीहरुको साझा संस्था नेपाली बिद्यार्थी समाज दक्षिण कोरिया(सोनसिक) लाई सम्पूर्ण विद्यार्थीहरुको पहुँच सम्म पुर्याउने लक्षका साथ बिभिन्न कार्यक्रमहरु गर्दै आईरहेको छ । कोरियामा नेपाली विद्यार्थीहरुको संख्या बढ्दै गए सँगै बिभिन्न अवसरहरु साथै चुनौतीहरु पनि थपिदै गएका छन् । यसै प्रसंगलाई ध्यानमा राख्दै SONSIK को २१ औं वार्षिक साधारण सभा नजिकिँदै गर्दा कोरियामा रहेका ‘नेपाली विद्यार्थीहरूका अवसर र चुनौतीहरू तथा SONSIK को आगामी नेतृत्व’ विषयक एउटा अनलाइन अन्तरक्रिया कार्यक्रम आयोजना गर्न लागेको हो ।
दक्षिण कोरिया मा रहेका विद्यार्थीहरूका अवसर र चुनौतीहरू तथा SONSIK को आगामी नेतृत्व बारे छलफल गर्न उक्त कार्यक्रममा गरिमामय उपस्थितिका सम्पूर्णमा आयोजकले हार्दिक निमन्त्रणा समेत गरेको छ ।
कार्यक्रम:
मिति: २०२४ अगस्ट १० तारिख शनिवार ।
समय: बेलुकी ८:३० बजे (कोरियाली समय), बेलुकी ५:१५ बजे (नेपाली समय)
जुम मिटिङ आईडी: 840 3639 0598 / पासकोड: 12345
