विशाल आवाज: यही अगस्ट ३ र ४ तारिखका दिन सउलमा हुन गइरहेको तमूधी दक्षिण कोरियाको रजत जयन्तीको सम्पूर्ण तयारी पूरा भएको अध्यक्ष रूपा गुरुङले विशाल आवाजलाई जानकारी दिनुभएको छ।
तमूधी दक्षिण कोरियाले आफ्नो २५ औ बर्षको सुखद अवसरमा प्रमुख अतिथि अन्तराष्ट्रिय तमू परिषदका संस्थापक अध्यक्ष श्री रेशम गुरुङ ज्यू र संस्कृतिविद प्राज्ञ डा. जगमान गुरुङज्यूको बिशेष अतिथ्यतामा यही अगस्ट ३ र ४ मा रजतजयन्ती उत्सव भव्य रुपमा मनाउन गईरहेको हो।
“प्ये म्हस्याँ छ्याम्हमु, छ्या म्हस्याँ ल्हु म्हमु, ल्हु मस्याँ म्हि म्हमु” अथवा शास्त्र हराए, संस्कार हराउँछ, संस्कार हराए संस्कृति हराउछ र संस्कृति हराए मानव जाती नै हराउछ।” भन्ने तमूहरुको विश्वव्यापी नारालाई आत्मसात गर्दै सन १९९९ मा तमूधी दक्षिण कोरिया स्थापना भएको थियो। तमूहरुको साझा संस्था तमूधी दक्षिण कोरियाले अगस्ट ३ शनिबार दिनको ०३ः०० बजे र अगस्ट ४ तारिख आइतबार दिनको ०१:०० बजे 서울 중구 장충단로 247, 굿모닝시티 8F, Good Morning City, 8th Floor मा आफ्नो रजत जयन्ती भव्यताका साथ मनाउँदैछ। कार्यक्रम स्थल सौल मेट्रो २, ४ र ५ नंबर लाईन, Dongdaemun History and Culture Park Station, गेट नंम्बर १३ र १४ बाट नजिकै रहेको छ।
तमूधी दक्षिण कोरियाको मुख्य आयोजना तथा तमूधी दक्षिण कोरिया थेगु र ख्याङसाङनाम्दो साखा को सह आयोजनामा हुन गइरहेको रजत जयन्ती उत्सव कार्यक्रमको सम्पूर्ण तयारी पूरा भएको अवगत गराउदै कोरियामा विभिन्न व्याापार-व्यवसाय गर्नुहुने व्यवसायीबर्ग, पत्रकार, विधार्थी, दक्षिण कोरियामा स्थापित सम्पूर्ण समाज, संघ, संस्थाका अध्यक्ष एवं प्रतिनीधीहरु, विभिन्न उद्देश्यले कोरियामा रहनु हुने कोरियावासी सम्पूर्ण तमू दाजुभाइ दिदीबहिनीहरुमा २५ औ रजत जयन्ती बर्षलाई सफल पार्न गरिमामय उपस्थिती जनाईदिनुहुन आयोजकले हार्दिक निमन्त्रणा समेत गरेको छ।
तपशिल
मितिः- २०२४, अगस्ट ३ शनिबार
समयः- दिनको ०३ः०० बजे।
मिति :- २०२४/०८/०४ आइतबार
समय :- दिनको ०१:०० बजे।
स्थान :- 서울 중구 장충단로 247, 굿모닝시티 8F, Good Morning City, 8th Floor.
जाने तरीकाः- सौल मेट्रो २, ४ र ५ नंबर लाईन, Dongdaemun History and Culture Park Station, गेट नंम्बर १३ र १४ बाट नजिकै।
