विशाल आवाज: नेपाल आदिवासी जनजाति महासंघ (नेफिन) दक्षिण कोरिया जेजु शाखाको आयोजनामा अगस्ट ४ तारिक आइतबारको दिन जेजुदोमा हुने “३०औं विश्व आदिवासी दिवस-२०२४” को सम्पूर्ण तयारी पुरा भएको अध्यक्ष गजिन हाङस्रोङले विशाल आवाज लाइ जानकारी दिनुभएको छ।
संयुक्त राष्ट्रसङ्घको पहलमा सन् १९९५ देखि अगस्ट ९ तारिखको दिनलाई विश्व आदिवासी दिवसको रुपमा मनाउने निर्णय गरेदेखि विश्वमा छरिएर रहेका आदिवासी जनजाति हरुले विश्व आदिवासी दिवस मनाउँदै आइरहेको छ। नेफिन जेजु कोरियाको मुख्य आयोजना तथा किरात याक्थुम चुम्लुङ, नेपाल तामाङ घेदुङ, नेपाल मगर सङ्घ, तमुधी, किरात राई यायोक्खा लगायत जेजुमा रहेका नेफिन कोरियामा आवद्ध साखा सस्थाहरुको सह आयोजनामा अगस्ट ४ तारिख आइतबारको दिन जेजुदोको 제주특별자치도 명신 1 길 11 मा अगस्ट ९लाई दिवसको रूपमा लिए पनि समय अनुकूलताका आधारमा अगस्ट ४ मा नै दिवस मनाउन लागिएको हो।
रैथाने ज्ञान, संस्कृति र परम्पराहरूको संरक्षण र प्रवर्द्धन आजको आवश्यकता, समानता सह अस्तित्व र पहिचान प्राप्तिको निम्ति आदिवासी जनजातिहरूको एकता भन्ने मूल नाराका साथ गत वर्षमा झै आदिवासीहरूको विविध झाँकी, संस्कृति तथा रैथाने परिकारहरू सहित आयोजना हुन लागिएको कार्यक्रममा सहभागिताको लागि आयोजकले दक्षिण कोरियावासी सम्पूर्णमा अपिल समेत गरेको छ।
यसैगरी नेपाल आदिवासी जनजाति महासंघ (नेफिन) दक्षिण कोरिया केन्द्र सउलले अगस्ट ११ तारिख बृहत रुपमा कार्यक्रमको आयोजना तयारी गरेका छन् भने अगस्ट १८ मा बुसान साखाले दिवस मनाउने तयारी गरिरहेको छ।
