बिशाल आवाज : ख्वाङ्जु कृकेट क्लवले छुसकको अवसर पारेर सेप्टेम्बर १६ तारिक सोमबारको दिन छल्लानमदो ख्वाङ्जूमा “तेस्रो छुसक कप क्रिकेट टुर्नामेन्ट २०२४ ” आयोजना गर्ने भएको छ।
“प्रबासी भूमिमा नेपाली बीचको एकता; सम्पूर्ण खेल प्रेमीहरुको सहभागिता” भन्ने मूल नारा गत बर्ष झै यस बर्षा पनि तेस्रो छुसक कप टुर्नामेन्टमा आयोजना हुने भएको हो ।
ख्वाङ्जु कृकेट क्लब बिगत लामो समय देखि ख्वाङ्जुमा कृयाशिल रही खेल संगै सामाजिक काममा पनि सहकार्य गर्दै आइरहेको क्लब हो । गत बर्ष पनि छुसककै अबसर पारेर मैत्रीपुर्ण क्रीकेट टुर्नामेन्ट आयोजना गरिसकेको अनुभबको आधारमा यसपटक बिगतका कमिकमजोरी लाई सुधार गरी अझ परिस्कृत रुपमा खेल आयोजना गरिने क्लब का मेन्टर प्रकाश पराजुली ले बिशाल आवाजलाइ बताएका छन् ।
प्रवासमा रहेर पनि खेलकुदको माध्यमबाट नेपाली-नेपाली बिच सद्भाब कायम राख्न पनि क्रिकेट टुर्नामेन्ट आयोजना गरेको बताउदै दक्षिण कोरियामा रहनु हुने क्रिकेट टिम लगायत सम्पूर्ण क्रिकेट प्रेमी लाई कार्यक्रम सफल पार्न नैतीक भौतिक र आर्थिक रुपमा सहयोग गर्नुहुन क्याप्टेन मनिष बन्जाडेले हार्दिक आह्वान समेत गरेको छ ।
थप जानकारीको लागि ग्वाङ्जु नेपाली क्रीकेट क्लबका मेन्टर प्रकाश पराजुली तथा टीम कप्तान मनीष बन्जाडे लाई 01076869665 वा 010-66836692 लाई सम्पर्क गर्न सकिने आयोजकले जनाएको छ ।
