विशाल आवाज: किरात राई यायोक्खा बुसान दक्षिण कोरियाको आयोजनामा यही आउँदो जुलाई 21 तारिखको दिन चर्चित नेपाली कथानक चलचित्र “गाउँ आएको बाटो” किम्हे प्रदर्शन हुने भएको छ।
दक्षिण कोरियाको सउल र मुगुकमा सफलताका साथ प्रदर्शन भइसकेको बहुप्रतिक्षित चलचित्र गाउँ आएको बाटो किम्हे स्थित 가야대학교 김해 मा प्रदर्शन हुने भएको हो। “अनाथ बाल आश्रम सहयोगार्थ” जुलाई २१ तारिख आइतबारको दिन १२: ०० बजेदेखि प्रदर्शन हुन लागेको चलचित्रका निर्देशक नवीन सुब्बा हुन्।
दुर्गम गाउँमा सडक र गाडी आएपछिको परिवर्तन र त्यसले पार्ने असरको कथामा बनेको फिल्मलाई पूर्वी नेपालको पहाडी जिल्ला भोजपुरमा खिचिएको हो।फिल्ममा दयाहाङसहित पशुपति राई, प्रसान राई (बाल कलाकार), खानुमा राई, केशव राई, प्रमिशा राई, प्रेम सुब्बा आदिको पनि अभिनय छ । महेश राईको कथा रहेको फिल्मको पटकथा लेखनमा उनलाई निर्देशक सुब्बाले सघाएका छन् । यो फिल्म २० भन्दा बढी अन्तर्राष्ट्रिय फेस्टिभलहरुमा छनोट भइसकेको छ । यसले गर्दा पनि फिल्मप्रति दर्शकहरुमा उच्च अपेक्षा देखिएको छ ।
