विशाल आवाज: नेपाल तामाङ खेदुङ बेथानचोक गाउँ कार्यसमिति ले आउँदो सोनाम ल्होछारको अवसरमा बेथानचोक ५ च्याल्टिमा माघ २३ गते बिहान ११ बजेदेखि ल्होसार बृहत सांस्कृतिक कार्यक्रम आयोजना गर्ने भएको छ।
“भाषा धर्म संस्कृति जोगाब लाइ, ह्याङ्ला ल्होछार छर्ना लाइ” भन्ने मूल नाराको साथ मन्जुश्री संवत २८६० सोनाम ल्होछार डुक ल्हो(मु-पुख्री) सर्प वर्ग को शुभ उपलक्ष्यमा शुभकामना आदानप्रदान तथा राष्ट्रिय कलाकारहरू र स्थानीय कलाकारहरूद्वारा बृहत सांस्कृतिक कार्यक्रम हुन लागिएको हो। बागमती प्रदेशको खानेपानी,उर्जा तथा सिँचाई मन्त्री माननीय तीर्थ बहादुर लामा प्रमुख अतिथिको रुपमा उपस्थित हुने कार्यक्रममा नेपाल तामाङ घेदुङ संघीय कार्यसमितिका अध्यक्ष मोहन गोले तामाङ लगायतका विशिष्ट अतिथि आउने आयोजकले जनाएको छ।
राष्ट्रिय कलाकारहरु बुद्दी तामाङ(हैट), वरिष्ठ सेलो गायिका इन्दिरा गोले गुरुङ,जितु लोप्चन, गायक प्रेम लोप्चन, अनिस योन्जन,प्रभात तामाङ,गायक तथा संगीतकार प्रकाश तितुङ, अर्पण थिङ तामाङ, हाँस्य कलाकार दिलिप तामाङ (हुरहुर) लगायत स्थानीय कलाकारहरुको बेजोड प्रस्तुति रहने ल्होछारको शुभकामना आदानप्रदान तथा बृहत सांस्कृतिक कार्यक्रम सभ्य र भव्य रुपमा सफल पार्न बेथानचोक बासि लगायत सम्पूर्ण दाजुभाई तथा दिदीबहिनीहरूमा आयोजकले हार्दिक निमन्त्रणा गरेको छ।
