कमला केसी/दक्षिण कोरिया:दक्षिण कोरियामा रहेका स्याङ्जालीहरुको साझा संस्था स्याङ्जा परिवार दक्षिण कोरियाको २६ औँ साधारण सभा सम्पन्न भएको छ ।
नेपाल थाई रेष्टुरेन्टको सभाहल सिओलमा सम्पन्न साधारण सभामा बार्षिक गतिविधि तथा प्रगति प्रतिवेदन संस्थाका सहसचिब राम पंगिनीले प्रस्तुत गर्नुभएको थियो भने आर्थिक प्रतिवेदन सह कोषाध्यक्ष सिता मोचीले प्रस्तुत गर्नुभएको थियो ।
संस्थाको १२ औं कार्यसमितिले १० करोड २४ लाख १९ हजार ५९ वन आम्दानी गर्न सफल भएको छ भने ७ करोड ५१ लाख ४१ हजार ९१७ वन खर्च भई ३ करोड ३४ लाख २७ हजार १४२ वन बचत भएको कोषाध्यक्ष अर्जुन अर्यालले जानकारी दिनुभयो ।
साधारण सभाले संस्थाको साधारण सदस्यता तथा आजीवन सदस्यता आजकै मितिबाट खुल्ला गर्ने निणर्य गरेको छ भनेसाधारण सदस्यता कार्यावधि २ वर्ष रहने र शुल्क बीस हजार बन तोकिएको छ यसैगरी आजिवन सदस्यता शुल्क रु १ लाख बन तोकिएको छ ।स्याङ्जा परिवार आपतकालिन राहत कोषको लागि दुई करोड बोन बिनीयोजन गरिएको छ ।
उक्त कार्यक्रमका प्रमुख अतिथि एनआरएनए दक्षिण कोरियाका अध्यक्ष बुद्धि गुरुङले प्रवासीहरुको हक हितका निम्ति समाजले गरेको कामको प्रसंसा गर्दै हरेकको सुख दुखमा निरन्तर सक्रिय भएर लाग्न आग्रह गर्नुभयो ।
कार्यक्रममा नेपाल सम्पर्क समिति दक्षिण कोरियाका अध्यक्ष हरि खनाल, गण्डकी प्रदेश समाजका अध्यक्ष प्रविन गिरि,संस्थाका वरिष्ठ सल्लाहकार युवाराज गुरुङ तमुधि दक्षिण कोरियाका अध्यक्ष रुपा गुरुङ लगायतले शुभकामना मन्तव्य राख्नुभएको थियो । संस्थाका अध्यक्ष भक्त थापाको अध्यक्षतामा सम्पन्न कार्यक्रमको स्वागत बरिष्ठ उपाध्यक्ष शुशिल गुरुङ र संचालन तोजिन्द्र गुरुङले गर्नुभएको थियो । सो अवसरमा समाजलाई आर्थिक भौतिक र नैतिक रुपमा सहयोग गर्नुहुने महानुभावहरुलाई सम्मान समेत गरिएको थियो ।
संस्थाले कोरिया बाट नेपाल फर्किनु भएका सम्पूणर् स्याङ्जालीहरुलाई एकिकृत गरि नेपालमा र कोरियामा रहहनुभएक स्याङ्जालीहरु बिच निरन्तर पारस्परिक सम्बन्ध कायम गर्न संस्थाको पूर्व अध्यक्ष धर्म गुरुङ लाई कोरिय रिटर्निज कमिटिको संयोजक चयन गसमेत गरेको छ । भने छिट्टै कमिटिलाई पुणर्ता दिने भएको छ । ख्वाङजु क्षेत्रमा संस्थाको तेस्रो शाखा बिस्तार गर्ने, १२औं अधिवेशन सम्पन्न भईसकेपछि हामीलाई नेतृत्वमा जिम्मेवारी प्रदान गर्नुहुने संस्थाका सम्पुण् अग्रजहरु प्रति हार्दिक आभार समेत साधारण सभाले व्यक्त गरेको छ ।
समाजले केही समय अगाडी “आधीखोला सांगीतिक सौगात ६“ सांगीतिक कार्यक्रम सभ्य र भव्य रुपमा सम्पन्न गरेको थियो । स्याङ्जा परिवारले विभिन्न संस्थागत गतिविधी सञ्चालन गर्दै रचनात्मक कार्यक्रमहरु मार्फत सामाजिक क्षेत्रमा सुनौलो इतिहास रच्दै आएको छ ।
