विशाल आवाज:गैर आवासीय नेपाली संघ, राष्ट्रिय समन्वय परिषद, दक्षिण कोरियाले कोरियमा कोरियनसंग बिवाह गरेर आउनु भएका महिला तथा आश्रित (Dependent) भिषामा रहनु भएका महिला दिदीबहिनीहरुलाई लक्षित गरि “कोरियामा विवाहित तथा आश्रित भिषावाहक महिलाहरुको शक्ति र साहस ” बिषयक सेमिनार -२०२४,सउलमा भव्यताका साथ सम्पन्न गरेको छ।
कार्यक्रममा विभिन्न विधाका विज्ञहरु कानुनविद् पार्क कुमसोङ(park kumsong) , प्रोफेसर योककुक किम(yongkuk Kim),कोरियन प्रहरीमा कार्यरत नेपाली चेली सम्झना राइ तथा एनआरएनए महिला संयोजक निला राइ लगायतले कोरियामा कोरियनसंग विवाहित तथा आश्रित भिषा वाहक महिलाहरुको कानुनी पक्ष बारे जानकारी ,अधिकारहरु,भाषिक अधिग्रहण, संस्कृतिक भिन्नता तथा पारिवारिक गतिशिलता र आत्मियताका रणनीतिहरु बारे जानकारी ,कोरियामा नेपाली महिलाहरुको आर्थिक, रोजगारी र सुन्दर भविष्यका चुनौतिहरू बारे जानकारी र सफलताका कथाहरु प्रेरणादायी यात्राहरु बारे कुराकानी गर्नुभएको थियो। एनआरएनए दक्षिण कोरियाका महासचिव केशव थापाले सन्चालन गर्नुभइ अध्यक्ष बुद्धि गुरुङको अध्यक्षतामा दुइ सेसनमा कार्यक्रम सम्पन्न भएको थियो।
बेग्लै परिवेश: एउटै क्षितिज “कोरियामा विवाहित तथा आश्रित भिसावाहक महिलाहरूको शक्ति र साहस” बिषयक सेमिनार बिशेषत कोरियामा कोरियनसंग बिवाह गरेर आउनु भएका महिला तथा आश्रित (Dependent) भिषामा रहनु भएका महिला दिदीबहिनीहरुको लागि आयोजित कार्यक्रममा नेपाल राजदुतावास उपनियोग प्रमुख पुष्पराज भट्टराइ प्रमुख अतिथिको रुपमा तथा दक्षिण कोरियामा रहेका विभिन्न संघ संस्थाको प्रतिनिधि हरुको बाक्लो उपस्थिती रहेको थियो ।कार्यक्रममा सन्चार कर्मि लगायत उपस्थित महिला हरुको लागि सम्मान पत्र समेत वितरण गरिएको थियो।
