तमू धीं दक्षिण कोरियाको आयोजनामा डिसेम्बर ३१ तारिख आइतबार का दिन SW컨벤션센터예식장 ११ 층 मा गायिका शर्मिला गुरुङ, तमू चलचित्रकी नायिका/मोडल अस्मि गुरुङ, गायक तथा म्युजिक एरेन्ज तेजेन्द्र गुरुङ लगायत स्थानीय कलाकारहरुको साथमा “तमू ल्होसार कार्यक्रम-२०८०” भब्यताका साथ सम्पन्न गरेको छ ।
तमु धिँ दक्षिण कोरियाद्वारा कोरियाको राजधानी सउलमा आयोजित कार्यक्रममा कोरियाका बिभिन्न स्थानमा छरिएर रहेको गुरुङ समुदायको बाक्लो उपस्थिति रहेको थियो भने कार्यक्रममा गैर गुरुङ हरुको पनि उत्तिकै उपस्थिती रहेको थियो !
नेपाली पात्रो अनुसार पुष १५ गतेलाइ तमु ल्होसारको रुपमा मनाइने गरिन्छ ! नेपाली राजदुतावास दक्षिण कोरियाकी राजदुत डां ज्योति प्याकुरेलको प्रमुख आतिथ्यता रहेका कार्यक्रममा कोरियास्थित बिभिन्न संघसंस्था सम्बद्ध ब्यक्तीहरुको पनि उपस्थिती थियो ।
कार्यक्रममा बरिष्ठ लोकदोहोरी गायिक शर्मिला गुरुङको बिशेष प्रस्तुती रहेको थियो भने स्थानिय कलाकारहरुका गायन तथा नृत्य प्रस्तुतीहरु पनी रहेका थिए !
तमु ल्होसार खासगरी तमुहरुको पर्व भएपनी सम्पूर्ण जातजातीहरुले संयुक्त रुपमा एक अर्कामा शुभकामना आदान प्रदान गर्ने तथा कार्यक्रममा सहभागी हुनाले जातिय सद्भाव र प्रदेशी भुमीमा एक अर्काप्रतिको सौहार्दता बढाउन यस्ता पर्वहरुले बिशेष भुमिका खेल्ने गर्दछन् !
