कोरिया सउलमा अहिलेसम्मकै सर्वाधिक पुरस्कार राशीको स्नूकर प्रतियोगिता हुने
बोम्जन गुरुङ/विशाल आवाज:कोरिया स्थित तमू धीं को आयोजनामा आउँदो नोभेम्बर ११ र १२ तारिक सउल दोङ्देमुन स्थित दर्शन नमस्ते रेष्टुरेन्टको हलमा “Billiards Snooker Tournament” हुने भएको छ । शारीरिक र मानसिक स्वास्थ्यका लागी खेलकूद भन्ने कार्यक्रमको मूल नारा सहित स्वच्छ र पारदर्शी खेल मार्फत मनोरञ्जनसँगै नेपालीहरुमा बन्धुत्व र मैत्रीभाव विकास गर्ने अभिप्रायले सो प्रतियोगिता आयोजना गरिएको हो ।
नेपाली समुदायविच भएको सउल कोरियाकै अहिलेसम्मको ठूलो पुरस्कार राशी भएको जानकारी दिँदै पछिल्लो समय युवा पुस्ताको स्नूकर खेलप्रतिको बढ्दो क्रेजले प्रतियोगिता थप ब्यापक र उत्साहजनक हुने संस्थाकी अध्यक्ष रुपा गुरुङले बताईन् । प्रतियोगितामा पहिलो र दोश्रो स्थान हासिल गर्ने खेलाडीले आकर्षक ट्रफी, मेडल र प्रमाण पत्र सहित क्रमशः २० लाख र १० लाख कोरियन वोन पुरस्कार प्राप्त गर्नेछन् भने सर्वाधिक स्कोर गर्ने एक खेलाडीलाई २ लाख हजार कोरियन वोन सहित ट्रफी, मेडल र प्रमाण पत्र प्रदान गरिने संस्थाका खेलकूद संयोजक कृष्ण गुरुङ “ब्रो” ले जानकारी दिए ।
खेलसम्बन्धी टाईसिट नोभेम्बर ११ मा निर्माण गरिने र प्रतियोगिता सोही दिनको बेलुकी ८ बजेदेखि शुरु हुनेछ भने खेलाडीलाई प्रवेश शुल्क स्वरुप १ लाख कोरियन वोन निर्धारण गरिएको उक्त प्रतियोगितामा खेलाडी नाम दर्ता प्रक्रिया शुरु भईसकेको आयोजकले जनाएको छ । कार्यक्रम सफल बनाउन सम्पूर्ण खेलप्रेमी महानुभावहरुलाई सहयोगको अपिल गर्दै उपस्थितिको लागि आयोजक संस्थाले हार्दिक अनुरोध गरेको छ ।
