“मकवानपुर सांगितिक धमाका भाग-२,सुजन चापागाईं एण्ड ब्याण्ड ” स्थगित कार्यक्रमको नयाँ मिति चाडैनै सार्वजनिक गर्ने
सेप्टेम्बर २९ छुसकको दोश्रो दिनमा हुने भनिएको “मकवानपुर सांगितिक धमाका भाग-२,सुजन चापागाईं एण्ड ब्याण्ड ” २०२३ कार्यक्रम विविध प्राविधिक समस्या सिर्जना भएकोले तोकिएको मितिमा कार्यक्रम हुन नसक्ने भएको छ।
सामाजिक सेवा भावका साथ सेल्टर स्थापना गर्ने मुख्य उद्धेश्य लिएर मकवानपुर कोरिया मञ्च दक्षिण कोरियाको मुख्य आयोजना र बागमती प्रदेश एकता समाज दक्षिण कोरियाको समन्वय साथै नेपाली सम्पर्क समिति (ncc ) दक्षिण कोरियाको कार्यक्रम बाडफाँड अन्तरगतमा रहेर यहि आउदो छुसकको दोश्रो दिन (२९ सेप्टेम्बर २०२३) मा ” मकवानपुर सांगीतिक धमाका भाग-२, सुजन चापागाँई एण्ड ब्याण्ड” २०२३ आयोजना गर्ने उद्धेश्यका साथ अगाढी बढ्ने क्रममा प्राविधिक समस्या सिर्जना भएकोले तोकिएको मितिमा कार्यक्रम हुन नसक्ने भएको हो।यही कार्यक्रमलाई निरन्तरता हुने गरेर पुनः मिति तय गरेर कार्यक्रम आयोजना हुने आयोजकले जनाएको छ। साथै अग्रिम टिकट बुकिङ गरिसक्नुभएको हरुले यहि वाट नया आयोजित हुने कार्यक्रम मा प्रवेश गर्न पाउनेछन्।
कोरियामै पहिलो पटक 서울어린이대공원 숲속의 무대 खुल्ला कन्सर्ट भेन्युमा कार्यक्रम हुने भनेर प्रख्यात रहेको यस कार्यक्रम विविध प्राविधिक कारणबस तोकिएको समयमा कार्यक्रम हुन नसक्दा दर्शक, श्रोता, शुभेच्क्षुक, शुभचिन्तक, सहयोगी र विज्ञापनदाताहरु समक्ष पर्न गएको असुविधा प्रति आयोजक मकवानपुर कोरिया मञ्च परिवारले माफि माग्दै कार्यक्रम तयारीको दौरानमा साथ समर्थन गर्नुहुने सम्पूर्णमा हार्दिक धन्यवाद ज्ञापन समेत गरेको छ।
