नोन्सान छुसक डान्स पार्टी सेप्टेम्बर २८ मा
विशाल आवाज:कोरियाको नोन्सान सहरस्थित नोन्सान नेपाली एकता समाज दक्षिण कोरियाले सेल्टर स्थापनार्थ SEATLE THAI CLUB मा सेप्टेम्बर २८ तारिखको दिन नोन्सान छुसक डान्स पार्टी गर्ने भएको छ।
“नोन्सान नेपाली एकता,सामाजिक कार्य हाम्रो प्रतिबद्धता” भन्ने मुलनारा लिएर दक्षिण कोरियाको नोन्सान क्षेत्रमा रहेका नेन्सान बासि नेपाली हरु मिलेर स्थापित समाजले सेल्टर स्थापनार्थ कार्यक्रम गर्न लागेको हो। समाजको स्थापना पश्चात समाजले विभिन्न कार्यक्रम आयोजना गरि , केहि व्यक्तिगत सहयोग बाट सेल्टर स्थापना कोष खडा गरिसकेको छ। हाल कोरियामा प्राय ठुला ठुला सहर हरूमा मात्र सेल्टर छ तर नोन्सान जस्तो सानो सहरमा पनि सेल्टरको ठुलै आबश्यक्ता भएको महसुस गरि यस कार्यलाई तीब्र रुपमा अगाडि बढाउन DJ ACROZ को साथमा कार्यक्रम गर्न लागेको समाजका अध्यक्ष सोनम शेर्पाले जानकारी दिए। सकेसम्म २०२४ को नया बर्ष भित्र नै सेल्टर स्थापना गर्ने सस्थाको उद्देश्य छ।
सेप्टेम्बर २८ तारिख मा हुने नोन्सान छुसक डान्स पार्टी सफल पार्नको लागि संस्थामा आवद्ध सल्लाहकार कार्यसमिति सदस्य, खेलाडी लगायत विभिन्न पेसामा आवद्ध कोरियामा रहेका बुद्धीजिबी, समाजसेबी, व्यवसायी, विधार्थी, पत्रकार एवं सम्पुर्ण संघसंस्थाका अध्यक्ष तथा प्रतिनिधीहरु लगायत दक्षिण कोरिया बासि सम्पुर्णमा उपस्थितीका लागि आयोजकले अनुरोध गरेको छ। बेलुकी ७ बजे देखि बिहान ५ बजे सम्म हुने डान्स पार्टीको प्रवेश शुल्क प्रि बुकिङ गर्ने हरुको लागि २० हजार वन र त्यहि दिन कार्यक्रम स्थल मा टिकट लिदा २५ हजार वन पर्नेछ भने प्रवेश गर्दा एक पेय पदार्थ फ्रिमा पाइनेछ। बुकिङ गर्नको लागि NH BANK मा रहेको JARGHA TARA BAHADUR को 3021172492431 खाता नम्बर मा ट्रान्सफर गर्नुपर्ने छ।
