सेप्टेम्बर ३० मा आन्याङ नेपाली समाज उल्सान दक्षिण कोरियाको तेश्रो अधिवेशन तथा बनभोज कार्यक्रम हुने
बोम्जन गुरुङ /कोरिया: कोरियाको उल्सान सहरमा रहेको आन्याङ नेपाली समाज उल्सानले सेप्टेम्बर ३० तारिक फाम्ना मुगोल हवाङ थो फेन्सन्मा तेश्रो अधिवेशन तथा बनभोज कार्यक्रम आयोजना गर्ने भएको छ ।
“प्रवासमा विविध समस्याहरु समाधानको निम्ति हाम्रो प्रतिबद्धता, आपसी मेलमिलाप, सद्भाव नेपालीहरुको एकता आजको आवश्यकता” भन्ने मूल नारालाई अनुशरण गर्दै आईरहेको कोरियामा स्थापित समाजले सेप्टेम्बर ३० बेलुकी ६ बजेदेखि भोलिपल्ट दिनको १२ बजेसम्म सो कार्यक्रमको आयोजना गर्ने भएको हो ।
दक्षिण कोरियामा विभिन्न पेशा तथा व्यवसायमा आवद्ध रहेका नेपालीहरु बीच आपसी सहयोग, समझदारी, सद्भाव र भाइचारा अभिवृद्धि गर्दै आईरहेको समाजले आफ्नो दोश्रो कार्यसमितिको सफलतापूर्वक कार्यकाल पूरा भएर आधिकारिक र विधिवत् रुपमै अर्को कार्यसमिति चयन गर्नुपर्ने आवश्यकतालाई ध्यानमा राख्दै सो अधिवेशन गर्न लागिएको संस्थाका अध्यक्ष शिव परियारले जानकारी दिए ।
सन् २०१३ मा कोरियामा स्थापना भएको आन्याङ नेपाली समाज उल्सानले बनभोज मार्फत् नेपालीहरुको आत्मीयतामा अभिबृद्धि हुने अपेक्षा सहित छुसकको अवसर पारेर सो अधिवेशनको तयारीमा जुटेको संस्थाका सचिव जन्नत लामाले बताए ।
उक्त तेश्रो अधिवेशन तथा बनभोज कार्यक्रमलाई सभ्य र भब्य रुपमा सफल बनाउन दक्षिण कोरियामा रहेका सम्पूर्ण संघसंस्था, संस्था सम्बद्ध सल्लाहकार, बुद्धिजीवी, शुभचिन्तक, समस्त सदस्यहरुलाई आयोजक आन्याङ नेपाली समाज उल्सान दक्षिण कोरियाले गरिमामय उपस्थितिको लागि हार्दिक अनुरोध गरेको छ ।
तपसिल :
मिति : २०२३ सेप्टेम्बर ३०
समय : बेलुकी ६ बजेदेखि भोलिपल्ट दिनको १२ बजेसम्म
स्थान : फाम्ना मुगोल हवाङ थो
फेन्सन्
