पर्वत समाज दक्षिण कोरियाको अधिवेशन सेप्टेम्बर १० मा
कमला केसि/विशाल आवाज:सन् २००८ मा स्थापना भएको पर्वत समाज दक्षिण कोरियाले यहि २०२३ सेप्टेम्बर १० तारिक आइतवारका दिन सउल स्थित नेपाल थाइ रेष्टुरेण्टमा चौथो वार्षिक साधारण सभा आयोजना गरिएको छ । सभामा समाजले आफ्नो आगामी वार्षिक कार्ययोजनाको बिषयमा छलफल तथा वितेका एक वर्षको प्रगति विवरण, आर्थिक प्रतिवेदन प्रस्तुत गर्ने छ ।
विभिन्न संघ संस्थाहरु सँग सहकार्य र समन्वय गर्दै २००८ मा स्थापना भएर लामो इतिहासको यात्रामा विविध अप्ठ्यारो परिस्थितिको सामना गर्दै पर्वते र समग्र नेपालीहरुको हितमा केन्द्रित यस संस्थाले धेरै सामाजिक तथा परोपकारी कार्यहरुमा सक्रियता देखाउदै आईरहेको छ । कोरिया भित्र होस वा नेपालमा परेका विभिन्न खालका समस्या हरुमा जुद्नको लागी सदैव हातेमालो गर्दै आएको छ।
सम्पुर्ण जानकारी अब बिशाल आवाजमा
समाज यस अवस्थासम्म वनाउन अनवरत रुपमा लाग्नुहुने अध्यक्ष, पदाधिकारीहरु एवं सदस्यहरु, संस्था सम्बद्व सल्लाहकारहरु, विभागीय प्रमुखहरु, खेलाडीहरु, संस्थाका समस्त शुभचिन्तक, सम्पुर्ण पवते दाजुभाई तथा दिदीबहिनीहरु, बुद्धिजीवीहरु, पत्रकारहरु, व्यवसायीहरुलाई हरसम्भव सूचना दिइएको र कारणवश प्राप्त नभए यहि सूचनालाई आधार मानेर उपस्थित जनाई कार्यक्रम सभ्य र भव्यरुपमा सफल पारिदिनु हुन आयोजकले हार्दिक अनुरोध गरेको छ।
