राप्ती समाज दक्षिण कोरियाको छैठौं अधिवेशन अगष्ट २७ मा हुने
बोम्जन गुरुङ २१ अगष्ट २०२३, कोरिया:“हामी जहाँ भएपनि एउटै विशेषता, विशुद्ध सामाजिक कामको लागी राप्ती समाजको एकता” भन्ने संस्थाको मूल नारालाई अनुशरण गर्दै आईरहेको गौरवमय संस्था राप्ती समाज दक्षिण कोरियाको छैठौं अधिवेशन यही अगष्ट २७ मा सउल दोङ्देमुन स्थित निक नेपाल ट्राभल्सको सभाहलमा हुने भएको छ ।
दक्षिण कोरियामा विभिन्न पेशा तथा व्यवसायमा आवद्ध राप्तीबासी तथा नेपालीहरु बीच आपसी सहयोग, समझदारी, सद्भाव र भाइचारा अभिवृद्धि गर्दै आईरहेको राप्ती समाजको पाँचौं कार्यसमितिको सफलतापूर्वक कार्यकाल पूरा भएर आधिकारिक र विधिवत् रुपमै अर्को कार्यसमिति चयन गर्नुपर्ने आवश्यकतालाई ध्यानमा राख्दै सो अधिवेशन गर्न लागिएको संस्थाका अध्यक्ष ओमलाल ओलीले जानकारी दिए ।
कोरियामा रहँदा भैपरी आउने विभिन्न समस्याहरुको समाधान गर्न तत्पर र कोरियाली भूमिमा नेपालको प्राकृतिक सम्पदा, कला, संस्कृतिको जगेर्ना गर्दै सामाजिक सेवामा योगदान दिईरहेको सन् २००६ मा स्थापित राप्ती समाजले दिनको १२ बजेदेखि शुरु हुने गरी सो अधिवेशनको तयारीमा जुटेको संस्थाका महासचिव अमृत के.सी.ले स्पष्ट पारे ।
उक्त छैठौं अधिवेशनलाई सभ्य र भब्य रुपमा सफल बनाउन संस्था सम्बद्ध सल्लाहकार, बुद्धिजीवी, शुभचिन्तक, समस्त सदस्यहरुलाई आयोजक राप्ती समाजले गरिमामय उपस्थितिको लागि हार्दिक अनुरोध गरेको छ ।
तपसिल :
मिति : २०२३ अगष्ट २७, आइतबार
समय : दिनको ठिक १२:०० बजे
स्थान : निक नेपाल ट्राभल्सको सभाहल,सउल दोङ्देमुन
