कर्णाली प्रदेश समाज दक्षिण कोरियाले गोल्ड मेडल खेलाडी नन्दा बस्यालको स्वागत तथा सम्मान कार्यक्रम गर्ने
विशाल श्रेष्ठ/दक्षिण कोरिया: “कर्णाली प्रदेशको शान, प्रदेशी भुमिमा एकता नै हाम्रो पहिचान” भन्ने मुल नारा लिएर स्थापित कर्णाली प्रदेशमा दक्षिण कोरियाद्वारा नेपाल खेलकूद परिषद कार्यकारी वोर्ड सदस्य तथा खेलकूद महासंघ नेपालका उपाध्यक्ष श्री नन्दा बस्याल ज्यु दक्षिण कोरिया आएको अवसरमा स्वागत तथा सम्मान कार्यक्रम गर्ने भएको छ।
नन्दा बस्यालले बिगत का विभिन्न राष्ट्रिय तथा अन्तराष्ट्रिय प्रतियोगितामा आफ्नो देश को नाम राख्दै आउनुका साथै कोरियामा भएको बिश्व स्योङ्नाम हान्मादाङ अन्तराष्ट्रिय तेक्वान्दो प्रतियोगितामा ५७ वटा राष्ट्र सहभागीता रहेको खेलमा फाइनलमा ईरान लाई हराउदै नेपाल को लागी पहिलो स्वर्ण पदक जित्न सफल हुनु भयको थियो। यहि प्रतियोगितामा स्वर्ण पदक जित्न सफल भएकोमा हार्दिक बधाई तथा उच्च कदर गर्दै स्वागत तथा सम्मान कार्यक्रम रारा रेष्टुरेन्ट ओसान(경기도 오산시 오산로 212번길 12-1 2층) मा २०२३/०८/०६ आईतबार का दिन विहान ११ बजे हुने आयोजकले जनाएको छ।
नेपालको राष्ट्रिय खेलाडी साथै नेपाल खेलकूद परिषद कार्यकारी वोर्ड सदस्य तथा खेलकूद महासंघ नेपालका उपाध्यक्ष श्री नन्दा बस्याल ज्यु लाइ कोरियामा स्वागत तथा सम्मान गर्ने कार्यक्रममा दक्षिण कोरिया बासि सम्पुर्णमा गरिमामय उपस्थितीको लागी आयोजक कर्णाली प्रदेश समाज दक्षिण कोरियाले हार्दिक निमन्त्रणा गरेकोछ।
