चलचित्र छक्का पन्जा ४ GIMHAE busan प्रदर्शन कार्यक्रमको आर्थिक विवरण सार्वजनिक ३५ लाख वन आगोलागी पिडित परिवारलाई सहयोग !
दक्षिण कोरिया: मनोरञ्जन का साथ साथै सहयोग गरौं भन्ने उदेश्यको साथ तेह्रथुम जिल्लाको अठाराई गाउपालिका वार्ड न. ६ मा भएको भीषण आगोलागी बाट विस्थापित घरपरिवार सहयोगार्थ तामाङ घेदुङ ख्यङ्साङ् शाखाले प्रदर्शन गरिएको नेपाली कथानक चलचित्र छक्का पन्जा ४ GIMHAE busan show को आर्थिक विवरण सार्बजनिक गरिएको छ ।
कार्यक्रमको कुल बचत ४६५७३१० वन मध्ये तिस लाख वन र रबिन बल तामाङको पहलमा सङ्कलित ५ लाख वन गरि ३५ लाख वन बराबरको नगद तथा जिन्सी तेह्रथुम जिल्लाको अठाराई गाउपालिका वार्ड न. ६ मा भएको भीषण आगोलागी बाट विस्थापित पिडित परिवारहरु लाई हस्तान्तरण गरिएको छ । बाकी १६५७३१० वन नाना आङा धिम (महिला सेल्टर) संचालनमा सदुपयोग गरिने तामाङ घेदुङ ख्यङ्साङ् शाखाले जनाएको छ ।
सामाजिक सेवामा समर्पित चलचित्र प्रदर्शन कार्यक्रमलाई सफल पार्न महत्वपूर्ण भूमिका निर्वाह गर्ने विभिन्न संघ-संस्थाहरु , स्पोन्सर दाताहरु प्रचार प्रसारमा साथ दिनुहुने विभिन्न मिडिया पार्टनरहरु , नेपाली चलचित्रलाई माया गरि सामाजिक सेवामा सहभागी हुनु हुने सम्पुर्ण नेपाली दर्शकहरु लाई नेपाल तामाङ घेदुङ ख्याङ्साङ् बुसान शाखा परिवारले पुन हार्दिक धन्यवाद तथा आभार प्रकट गरेको छ ।
