किरात याक्थुङ चुम्लुङ दक्षिण कोरिया बुसान साखाले पहिचानको आन्दोलन र आन्दोलनमा घाइते लाइ सहयोग हस्तान्तरण
विशाल श्रेष्ठ/दक्षिण कोरिया:किरात याक्थुङ चुम्लुङ दक्षिण कोरिया बुसान साखाले नेपालमा चलिरहेको पहिचानको आन्दोलन र आन्दोलनको क्रममा घाइते हुनुभएका पहिचानबादी युवा गजेन्द्र फागोलाइ सहयोग हस्तान्तरण गरेको छ।
किरात याक्थुङ चुम्लुङ दक्षिण कोरिया बुसान शाखाले कोशी प्रदेश खारेजीको माग गर्दै नेपालमा चलिरहेको पहिचानको आन्दोलनमा सहयोग गर्ने हेतुले चालेको आर्थिक सङ्कलन अभियानमा सङ्कलित रकम मध्ये आन्दोलनको क्रममा घाइते भएका चुलाचुली इलामका गजेन्द्र फागोलाई एक लाख रुपैयाँ साथै एक लाख कियाचु केन्द्रलाइ निर्देशक हाङ चेम्जोङको संयोजनमा आर्थिक सहयोग गरिएको हो।
आर्थिक सहयोग दाताहरुको नामावली
प्रदेश नं. १ पुनः नामाङ्कन संयुक्त संघर्ष समितिले गत वैशाख २६ गते झापाको दमकमा आह्वान गरेको राँके जुलुशका क्रममा प्रदर्शनकारी र प्रहरीबीच झडप उत्पन्न भई गोली चल्दा देब्रे घुँडामा गोली लागेर घाइते भएका गजेन्द्र फागोको हाल राजधानीस्थित बी एण्ड बी अस्पतालमा उपचार भइरहेको छ ।
कोशी प्रदेश किमार्थ स्वीकार्य छैन,यथाशिघ्र ऎतिहासिक पृष्ठभुमि र पहिचानको आधारमा प्रदेश न.१ को पुन नामांकन हुनु पर्दछ। यो जिवित इतिहासमा आधारित छ इतिहास मास्ने दुस्साहस नगरियोस् भन्दै किरात याक्थुङ चुम्लुङ दक्षिण कोरिया बुसान साखाले पहिचानको लागि दक्षिण कोरिया बाट नेपालको आन्दोलनको लागि एकबद्धता पनि जनाएको छ।
पहिचानको आन्दोलनमा सहभागी हुदै दक्षिण कोरियामा नेपाली हरु
