दक्षिण कोरियाको सरकारी स्वामित्वमा रहेको Industrial Bank of Korea (IBK) ले आफ्नो बैंकिङ प्रणालीको अपग्रेड (स्तरोन्नति) गर्ने कार्यका कारण केही समयका लागि सम्पूर्ण वित्तीय कारोबार सेवा अस्थायी रूपमा बन्द हुने जनाएको छ।
बैंकद्वारा जारी सूचनाअनुसार मार्च १, २०२६ (आइतबार) राति १२:०० बजेदेखि दिउँसो १२:०० बजेसम्म (करिब १२ घण्टा) सेवा अवरुद्ध रहनेछ। प्रणालीलाई अझ सुरक्षित, छिटो र प्रभावकारी बनाउने उद्देश्यले यो अपग्रेड गर्न लागिएको बैंकले स्पष्ट पारेको छ।
उक्त अवधिमा:
• क्रेडिट कार्ड भुक्तानी भने गर्न सकिनेछ।
• IBK ग्राहक सेवा केन्द्रमार्फत इन्सिडेन्ट (समस्या) रिपोर्ट गर्न सकिनेछ।
• तर डेबिट कार्डमार्फत हुने भुक्तानी सम्भव नहुने जानकारी दिइएको छ।
साथै, कार्ड हराएमा BC Card Customer Center (☎ 1588-4515) मा सम्पर्क गरी जानकारी दिन सकिनेछ।
सेवा अवरुद्ध हुँदा पर्न सक्ने असुविधाप्रति बैंकले क्षमायाचना गर्दै ग्राहकहरूलाई आवश्यक आर्थिक कारोबार अगावै मिलाउन अनुरोध गरेको छ। भविष्यमा अझ गुणस्तरीय सेवा प्रदान गर्ने उद्देश्यले प्रणाली स्तरोन्नति गर्न लागिएको बैंकले जनाएको छ।
