दक्षिण कोरियामा रहेका नेपाली खेलप्रेमीहरूबीच आपसी मेलमिलाप, भाइचारा र सामाजिक एकता मजबुत बनाउने उद्देश्यका साथ नेपाल मगर संघ गणतन्त्र कोरिया, किम्हे/बुसान शाखाको आयोजनामा हुन लागेको ‘प्रथम लखन थापा फूटसल कप–२०२६’ को सम्पूर्ण तयारी पूरा भएको छ।
४४ औँ राष्ट्रिय मगर दिवसको अवसर पारेर आयोजना हुन लागेको उक्त प्रतियोगिता यही मार्च १, २०२६ (आइतबार) बिहान ठीक ८:०० बजेबाट सुरु हुनेछ। प्रतियोगिता 경상남도 김해시 김해대로 1798 (초은 풋살 파크) मा सञ्चालन हुने आयोजकले जनाएको छ।
प्रतियोगिताको टाइसिट समेत सार्वजनिक भइसकेको छ। ग्राउण्ड ‘A’ र ग्राउण्ड ‘B’ गरी दुई मैदानमा प्रतिस्पर्धा सञ्चालन हुने छ। कोरियामा रहेका विभिन्न नेपाली फुटबल क्लबहरूबीच रोमाञ्चक प्रतिस्पर्धा हुने अपेक्षा गरिएको छ।
प्रतियोगितामा विजेता टिमले ३५ लाख वोन नगद पुरस्कार प्राप्त गर्नेछ भने उपविजेताले २० लाख वोन हात पार्नेछ र सेमिफाइनलिसिट टिमले पनि ३ लाख ५० वन प्राप्त गर्नेछन्। त्यसैगरी बेस्ट प्लेयर, बेस्ट किपर र हाई स्कोररलाई जनही १/१ लाख वोन प्रदान गरिनेछ। ट्रफी, मेडल तथा प्रमाणपत्रको समेत व्यवस्था गरिएको आयोजकले जनाएको छ।
यस्तो छ खेलका प्रमुख नियमहरू,आयोजक समितिले सार्वजनिक गरेको नियमावली अनुसार:
आयोजक समितिले सम्पूर्ण टिमहरूलाई समयमै उपस्थित भइ अनुशासित र खेलभावनासहित प्रतिस्पर्धा गर्न अनुरोध गरेको छ। साथै कोरियामा रहेका सम्पूर्ण खेलप्रेमी दर्शकहरूलाई खेल मैदानमा उपस्थित भइ कार्यक्रमको शोभा बढाइदिन हार्दिक निमन्त्रणा गरिएको छ।
