दक्षिण कोरियामा नेपाली युवा सम्पर्कविहीन, खोजिकार्यमा सहयोग गरिदिन परिवारको अपिल
दक्षिण कोरियाको 충청남도 अन्तर्गत पर्ने 당진시 को 합덕읍 क्षेत्रमा कार्यरत एक नेपाली युवा विगत केही दिनदेखि सम्पर्कविहीन भएका छन्।
नेपालको कञ्चनपुर जिल्ला, बेलौरी नगरपालिका वडा नं. ५ निवासी ३५ वर्षीय दीपक चौधरी फेब्रुअरी २० तारिख दिउँसो १:२० बजेदेखि सम्पर्कविहीन भएको जानकारी परिवारले दिएको छ। उनी विगत ८ वर्षदेखि कोरियामा रोजगारी गर्दै आएका थिए।
परिवारका अनुसार, सो दिनदेखि निरन्तर खोजी कार्य जारी रहे पनि हालसम्म उनको अवस्थाबारे कुनै ठोस जानकारी प्राप्त हुन सकेको छैन। घट`नालाई गम्भीर रूपमा लिँदै परिवारले स्थानीय कोरियन प्रहरी कार्यालयमा औपचारिक निवेदन दर्ता गरी खोजतलास प्रक्रिया अगाडि बढाइसकेको जनाएको छ।
यस संवेदनशील परिस्थितिमा परिवारले दक्षिण कोरियामा रहेका सम्पूर्ण नेपाली दाजुभाइ तथा दिदीबहिनीहरूलाई खोजी कार्यमा सहयोग गरिदिन हार्दिक अपिल गरेको छ। कसैसँग कुनै जानकारी भएमा नजिकको प्रहरी कार्यालय वा परिवारजनलाई तुरुन्त खबर गरिदिन अनुरोध गरिएको छ।
फेला परेमा वा कुनै जानकारी भएमा सम्पर्क व्यक्ति ईन्द्र चौधरी (गाउँले) लाई सम्पर्क गर्न सकिनेछ। साथै, यो सूचना धेरैभन्दा धेरै व्यक्तिसम्म पुर्याई खोजी कार्यमा सहयोग गरिदिन सबैमा विनम्र अनुरोध गरिएको छ।
