मार्च १२ मा प्रदर्शन हुन लागेको “छक्का पन्जा-४” को प्रचारप्रसार तिब्र गतिमा फोटो फिचर सहित
विशाल श्रेष्ठ/दक्षिण कोरिया: “हामी जहाँ भएपनि हाम्रो एउटै विशेषता, विशुध्द सामाजिक कामका लागि राप्ती समाजको एकता” भन्ने मुल नाराका साथ स्थापित संस्था राप्ती समाज दक्षिण कोरियाले मार्च १२ आइतवारका दिन प्रदर्शन गर्न लागेको नेपाली कथानक चलचित्र “छक्कापन्जा ४” को प्रचारप्रसार तिब्र गतिमा भइरहेको छ।
राप्ती अक्षयकोष निर्माणका लागि कोरिया स्थित सउल सहरको 서울시 종로구 우정국로 55 조계사 내 역사문화공연장 ट्रेन लाइन नं १ जोङ्गाक स्टेसन , गेट नं २ बाट निस्केर २००मिटर सिधा अगाडि रहेको जोगेशा गुम्बाको हलमा विहान ११:०० बजे पहिलो शो र दिउसो २:०० बजे दोस्रो शो गर्ने गरी तय गरिएको कार्यक्रमको हाल सग र सुवनको विभिन्न नेपाली रेष्टुरेन्ट,पसल, मार्केट, रेमिट्यान्स हरुमा आयोजना टोलि गएर पोष्टर प्रदर्शन गर्दै र टाँस्दै धमाधम प्रचारप्रसार गरिरहेको छ।
मार्च १२ तारिख आइतबारका दिन प्रदर्शन हुन लागेको चलचित्रको पहिलो शो को लागि अग्रिम टिकट मार्च ०५ तारिख राति ९:०० बजे भित्र आयोजकलाई (Omlal Oli – 01080709210, Amrit KC – 010-5960-8190, Sobarna Oli – 010-5949-0415, Bayu Poudel – 010-2630-5311) सम्पर्क गरि बुकिङ गर्न सकिने र दोस्रो शो को लागि भने स्वयम् उपस्थित भएर अथवा टिकेट वितरण गर्ने विभिन्न ठाउँहरूबाट लिन सकिने आयोजकले जानकारी दिनुभएको छ ।
परदेशमा रहेर पनि घरदेशको चलचित्र लाइ माया गर्न र मनोरञ्जन लिएर चलचित्र प्रदर्शन कार्यक्रम लाइ सभ्य र भब्य साथमा सफल पार्नको लागि आयोजकको तर्फबाट हुने सम्पुर्ण तयारी पुरा भैसकेको जानकारी दिदै दक्षिण कोरियामा बसोबास गर्नुहुने समस्त व्यावसायि,विधार्थी,पत्रकार,लगायत कोरियाबासि नेपालीहरुमा उपस्थितिको लागी आयोजकले अनुरोध गर्नुभएको छ।
