कमला केसि/दक्षिण कोरिया: नेपालीहरुले निकै महत्त्वका साथ मनाउदै आईरहेको फागुपुर्णिमा अर्थात होलि दक्षिण कोरियामा विभिन्न संस्थाहरुको सक्रियतामा संयुक्त रुपमा यहि मार्च ५ तारिख मनाउन लागिएको छ।
विगतका वर्षहरूमा जस्तै यस वर्ष पनि पाँच “स” दक्षिण कोरियाको प्रमुख आयोजकत्व र कोरियामा रहेका सक्रिय सङ्घ संस्थाहरूको आयोजनामा संयुक्त रूपमा यही आउँदो मिति सन् २०२३ मार्च ५ तारिखका दिन मध्यान्ह १२ बजेदेखि कोरियाको राजधानी सउल स्थित इछोन (이촌) स्टेशन लाइन न.४ गेट नं.४ हानाम नदीको किनाराको पार्कमा (하남시민 공원) होलि कार्यक्रमको आयोजना गरिएको पाँच स दक्षिण कोरियाका अध्यक्ष नरेश मेहताले जानकारी दिनुभएको छ । पाँच-स दक्षिण कोरियाको प्रमुख आयोजकत्वमा पूर्वीय मौलिक संस्कार संस्कृति र चाडपर्वलाई प्रदेशमा पनि पहिचान गराउने उद्देश्यका साथ गर्न लागिएको होलि महोत्सव -२०७९ कार्यक्रममा NRNA ख्यङ्गी ईन्छन, स्याङ्जा समाज , नेपाल गोरखा परिवार, राप्ती समाज, मधेसी समाज, वाग्लुङ समाज, आन्सान परिवार दक्षिण कोरिया, तनहुँ समाज दक्षिण कोरिया, उधमशील युवा मञ्च दक्षिण कोरिया, रामेछाप सम्पर्क समिति, सुर्खेत समाज, गण्डकी प्रदेश समाज,बर्दिया समाज मकवानपुर कोरिया मञ्च ,पर्वत समाज आयोजक संस्थाहरूको रुपमा रहेका छन भने सहजकर्ता नेपाल पत्रकार महासंघ द. कोरिया रहेको छ।
कार्यक्रम लाइ सभ्य र भब्य साथमा सफल पार्नको लागि आयोजकको तर्फबाट हुने सम्पुर्ण तयारी पुरा भैसकेको कार्यक्रम संयोजक पुरुषोत्तम गौतमले जानकारी दिदै होलि कोरियामा रहेका सम्पूर्ण नेपालीहरूको साझा महोत्सवको रूपमा मनाइने हुँदा दक्षिण कोरियामा बसोबास गर्नुहुने समस्त व्यावसायि,विधार्थी,पत्रकार,लगायत कोरियाबासि नेपालीहरुमा उपस्थितिको लागी आयोजकको तर्फबाट अनुरोध गर्नुभएको छ।
कार्यक्रम स्थल:
कार्यक्रमको अन्य जानकारी यसप्रकार दिइएको छ ।
कार्यक्रम स्थान : इछोन स्टेसन, लाइन न.४ गेट नं ४
मिति : सन २०२३ मार्च ५, आइतबर
समय : दिउँसो १२ बजे ( हान्नाम नदीको किनारमा)
