विशाल श्रेष्ठ/दक्षिण कोरिया: “प्रवासको दु:ख सुखमा हाम्रो एकता, मौलिक संस्कृति संरक्षण तथा समृद्ध समाज निर्माणमा हाम्रो सहभागिता” भन्ने मुल नारा लिएर सन् २००३ मा स्थापित नेपाल मगर संघ गणतन्त्र कोरियाको ११ औ अधिवेशन मार्च ५ तारिखका दिन हुने भएको छ।
नेपालबाट विभिन्न पेशा व्यवसाय तथा रोजगारीको शिलशिलामा दक्षिण कोरियामा रहेका मगर जनसमुदाय हरु एकजुट भइ सामाजिक कार्यहरु ,आपतकालीन अवस्था र आफ्नो मौलिक जातिय परम्परा र संस्कृतिको जगेर्ना गर्नको लागि भनेर स्थापना भएको संस्थाले विभिन्न सामाजिक गतिबिधीहरुमा सक्रिय रुपमा नेपालमा र कोरियामा विभिन्न संघ सस्था हरु संग सहकार्य र समन्वय गर्दै आइरहेको सस्थाको अध्यक्ष टेक पुन मगरले विशाल आवाज डट कम लाइ बताउनुभएको छ। दक्षिण कोरिया भरि तीन शाखा विस्तार गरिसकेको दुइ दशक लामो इतिहास बोकेको यस सस्थाले विगत लामो समयदेखि दोङ्देमुन,किम्हे र थेगुमा समेत काम छोडि आपतविपतमा परेका हरुको लागि भनेर सेल्टर खोलि सेवा दिदै आइरहेको छ।
दोङ्योआफ स्टेशन अगाडि, सउल (수수헌 center, डेन्टल शिविर गरिएको हलमा मार्च ५ तारिख विहान ११ बजे हुन गइरहेको ११ औ अधिवेशन को लागि संस्थागत गतिविधि सबै पूरा भइसकेको छ महासचिव केशर राना मगरले बताउनुभयो।
यसैगरी अधिवेशन लाइ सफल पार्नको लागि संस्थामा आवद्ध सल्लाहकार कार्यसमिति सदस्य, खेलाडी लगायत विभिन्न पेसामा आवद्ध कोरियामा रहेका बुद्धीजिबी, समाजसेबी, व्यवसायी, विधार्थी, पत्रकार एवं सम्पुर्ण संघसंस्थाका अध्यक्ष तथा प्रतिनिधीहरु लाई उपस्थितीका लागि आयोजकले अनुरोध गरेको छ।
