दक्षिण कोरियामा रहेका थारु समुदायको साझा संस्था थारु कल्याणकारिणी सभा दक्षिण कोरियाको आयोजनामा माघी पर्व २०८२ (थारु सम्वत् २६४९) को अवसरमा फेब्रुअरी १७ तारिक सौलको 차차 मा शुभकामना आदान–प्रदान तथा सांस्कृतिक कार्यक्रमसँगै पाँचौँ अधिवेशन आयोजना हुने भएको छ।
कार्यक्रममा प्रवेश निःशुल्क रहनेछ भने थारु परिकारको विशेष व्यवस्था गरिएको छ।थारु परिवारसँगै कोरियावासी सम्पूर्ण नेपाली दाजुभाइ तथा दिदीबहिनीहरूलाई कार्यक्रममा उपस्थित भई माघी पर्वको रौनक सँगै सांस्कृतिक आनन्द लिन आयोजकले हार्दिक निमन्त्रणा गरेको छ।
कार्यक्रमको मुख्य आकर्षणका रूपमा राष्ट्रिय गायिका अञ्जु कुश्मीको विशेष प्रस्तुति रहनेछ भने थारु परिकारको साथ साथ स्थानीय कलाकारहरूको धमाकेदार प्रस्तुति रहने आयोजकले जानकारी दिएको छ। लोकगीत, नृत्य तथा मौलिक सांस्कृतिक प्रस्तुतिहरूले कार्यक्रमलाई अझै भव्य बनाउने अपेक्षा गरिएको छ।
कार्यक्रम २०२६ फेब्रुअरी १७(मंगलबार) बिहान ११:०० बजेदेखि 성동 차차차 스텐드빠 나이트 서울 특별시 중구 홍인 동15번지 (Train Line 2 &6 신당역 स्टेशन Exit नं. 1/12) मा सम्पन्न हुनेछ।
थारु कला, संस्कृति, भाषा, पहिचानको संरक्षण तथा प्रवर्द्धन गर्ने उद्देश्यसहित आयोजना हुन लागेको यस कार्यक्रमले कोरियामा रहेका थारु समुदायबीच आपसी सद्भाव र एकता थप मजबुत बनाउने विश्वास लिइएको छ।
