नेपाल भलिवल संघ दक्षिण कोरिया शाखाको चौथो कार्यसमितिको पहिलो बैठक भर्चुअल माध्यमबाट २०२६ फेब्रुअरी २ तारिखका दिन सम्पन्न भएको छ। बैठक संस्थाका अध्यक्ष विरेन्द्र राहुँ मगरको अध्यक्षतामा सम्पन्न भएको हो।
बैठकमा संघको वर्तमान अवस्था, संगठनात्मक संरचना तथा आगामी सिजनका कार्यक्रमहरूबारे विस्तृत छलफल गर्दै विभिन्न प्रस्तावहरू पारित गरिएको छ। बैठकले मुख्यत: रिक्त पदपूर्ति, संरक्षक तथा सल्लाहकार मनोनयन र सिजन २०२६ का भलिवल प्रतियोगिता कार्यक्रमसम्बन्धी प्रस्तावहरूमा निर्णय गरेको छ।
रिक्त पदपूर्ति सम्बन्धी प्रस्ताव अन्तर्गत
उपाध्यक्षमा पुस्कल पुन, महासचिवमा देवेन्द्र पुन, कोषाध्यक्षमा संजिव खतिवडा, सह–कोषाध्यक्षमा लोकराज पाण्डे तथा सदस्यमा संगम क्षेत्रीलाई चयन गरिएको छ।
संरक्षक तथा सल्लाहकार मनोनयन सम्बन्धी प्रस्ताव अन्तर्गत
संरक्षकमा बिपिन कुमार गुरुङ, बरिष्ठ सल्लाहकारमा भजिन्द्र क्षेत्रीलाई मनोनयन गरिएको छ। यस्तै, सल्लाहकारहरूमा खोम प्रसाद गुरुङ, नर कुमार गुरुङ, सुनेस के.सी., चन्द्र राना, लेसन गुरुङ, तुल घर्ति मगर, अमृत पाठक, हर्क विष्ट, फत्त पुन, ब्रो तमु र हिमाल खनाललाई चयन गरिएको छ।
सिजन २०२६ का कार्यक्रम सम्बन्धी प्रस्तावमा
आगामी सिजन २०२६ का लागि भलिवल प्रतियोगिता कार्यक्रम बाँडफाँड फेब्रुअरी १७ तारिख सउलमा भौतिक उपस्थितिमा गर्ने निर्णय गरिएको छ। सोही दिन रेफ्री छनोट, संघको सदस्यता तथा खेलसम्बन्धी आचारसंहिताबारे पनि छलफल गर्ने निर्णय बैठकले गरेको छ।
बैठकले दक्षिण कोरियामा रहेका नेपाली भलिवल खेलाडी तथा खेलप्रेमीहरूबीच भलिवल खेलको प्रवर्द्धन र संगठनलाई थप सुदृढ बनाउने प्रतिबद्धता व्यक्त गरेको छ।
