दक्षिण कोरियाको जिन्चन क्षेत्रमा राष्ट्रिय स्वतन्त्र पार्टी (रास्वपा) प्रवास नेपाली सम्पर्क विभाग दक्षिण कोरियाअन्तर्गत नयाँ क्षेत्रीय कार्यसमिति गठन गरिएको छ। आइतबार फेब्रुअरी १, २०२६ मा सम्पन्न कार्यक्रम बाट राजन भट्टको नेतृत्वमा जिन्छन क्षेत्रीय कार्यसमिति चयन गरिएको हो।
충청북도 진천군 진천–읍मा रहेको लालिगुराँस रेस्टुरेन्टको माथिल्लो तल्लामा सम्पन्न भएको भएको कार्यक्रममा केन्द्रिय अध्यक्ष युबिन श्रेष्ठ लगायतको बाक्लो उपस्थिती थियो। कार्यक्रममा प्रवासमा रहेका नेपालीहरूको संगठनात्मक भूमिका, पार्टीको नीति–दिशा र भावी कार्ययोजनाबारे विस्तृत छलफल गरिएको थियो।
भेलाले सर्वसम्मत रूपमा राजन भट्टलाई प्रमुख चयन गरेको छ भने उप– प्रमुखमा नयन सिंह कार्की, सचिवमा भूपेन्द्र जोशी र कोषाध्यक्षमा सुमन कार्की चयन भएका छन्। त्यसैगरी कृष्ण कुमार श्रेष्ठ, अरुण चौधरि , श्रवण चन्द्रबङ्शी, बालकृष्ण खनाल, सन्तोष लिम्बु र ईश्वर पौडेल सदस्यको रूपमा चयन भएका छन्।
नवगठित कार्यसमितिले जिन्छन क्षेत्र र आसपासमा रहेका नेपालीलाई पार्टीको अभियानसँग जोड्दै संगठनलाई थप सुदृढ बनाउने प्रतिबद्धता जनाएको छ। प्रवासमा रहेर पनि सुशासन, पारदर्शिता र राष्ट्र निर्माणको अभियानमा सक्रिय भूमिका खेल्ने धारणा सहभागीहरूले व्यक्त गरेका थिए।
कार्यक्रममा पार्टीका अभियन्ता, शुभेच्छुक तथा स्थानीय नेपाली समुदायको उल्लेख्य उपस्थिति रहेको थियो।
यसैगरी प्रवास नेपाली सम्पर्क विभाग दक्षिण कोरियाले फाजु क्षेत्रीय कार्यसमिती गठन आगमी हप्ता फेब्रुअरी ८ तारिक फाजुमा गर्ने निर्णय समेत गरेको छ।
