Advertisement
Advertisement
१)
थकित अनि मन्द मुस्कान हुन्छ परदेशमा
आसु टिल्पिल हुँदै आँखा रुन्छ परेदशमा
धनको भारी चाडै पुर्याइ फर्कन्छु भन्दै
परदेशीले सुन्दर सपना बुन्छ परदेशमा
२)
रहर हैन बाध्यताले परदेश पसेको
ज्यान दौडमा तर मन गाउँमा बसेको
जवानी लिलामी भो बिरानो देशैमा
कस्ले देख्छ खुन पसिना सबै डसेको
३)
मुसुक्क तिमी हास्दा संसार भुल्छु म
भिरको लालीगुरास झै हास्दै फुल्छु म
तिम्रो साथ जस्तो प्रिय केही छैन यहाँ
भमरा बनी आसपासमै सधै डुल्छु म
४)
यो मनको बाटो गरि आए हुन्छ नि
सुटुक्कै चोखो माया लाए हुन्छ नि
भाग्यमानी हुन अब केही गर्नै परेन
जुनि जुनि तिम्रै बन्न पाए हुन्छ नि
Advertisement
Advertisement
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
