दक्षिण कोरियास्थित नेपाली राजदूतावासको राहदानी नवीकरण तथा श्रमिक अन्तरक्रिया कार्यक्रम गजेदोमा सञ्चालन हुने भएको छ।
किरात राई यायोक्खा गजेदोको आयोजनामा आगामी २०२६ फेब्रुअरी १५ (२०२६/०२/१५) तारिखका दिन गजेदोमा उक्त घुम्ती शिविर आयोजना हुन लागेको हो। शिविरमार्फत राहदानी नवीकरण सेवा तथा श्रमिकहरूसँग अन्तरक्रिया कार्यक्रम सञ्चालन गरिने आयोजकले जनाएको छ।
यस कार्यक्रमका लागि ख्यङनाम क्षेत्रमा बसोबास गर्दै आएका सम्पूर्ण नेपालीहरूबाट अग्रीम रूपमा नामावली सङ्कलन भइरहेको छ। राहदानीको म्याद एक वर्षभन्दा कम बाँकी रहेका नेपालीहरूले तल उल्लेखित सम्पर्क व्यक्तिहरूसँग आफ्नो नाम टिपाउन आयोजकले अनुरोध गरेको छ।
फाराम भर्ने मिति तथा कार्यक्रमसम्बन्धी विस्तृत जानकारी एक हप्ता अगाडि सार्वजनिक गरिने पनि जनाइएको छ।
सम्पर्क व्यक्तिहरू :
• राधेश्याम राई : 010-2037-1415
• राज राई : 010-8348-9230
• अमर राई : 010-2471-3490
• मन्दिप राई : 010-4869-9839
