टोकियो 2025 डेफलिम्पिक्स कराते प्रतिस्पर्धामा कोरियाका दुई खेलाडीले २ वटा कांस्य पदक जित्दै उत्कृष्ट सफलता हासिल गरेका छन्। यी दुवै खेलाडीलाई लामो समयदेखि प्रशिक्षण दिंदै आएका नेपाली कराते खेलाडी तथा प्रशिक्षक जमानसिंह गुरुङ ले आफ्नो शिष्यहरूले पदक हात पार्दा अत्यधिक खुशी व्यक्त गरेका छन्।
गुरुङका अनुसार, खेलाडीहरूलाई प्रारम्भिक तयारीदेखि लिएर फाइनलसम्म लगिएको मेहनत, अनुशासन र निरन्तर प्रशिक्षणको प्रतिफल आज पदकका रूपमा प्राप्त भएको हो।
उनले भने,
“आफैले प्रशिक्षण दिएका खेलाडीहरूले अन्तर्राष्ट्रिय मञ्चमा देशलाई प्रतिनिधित्व गर्दै पदक जितिदिँदा प्रशिक्षकको रूपमा म अत्यन्तै गर्व, खुसी र भावुक भएको छु। यो मेरो मात्र नभई, मेहनत गर्ने खेलाडीहरूको उपलब्धि हो।”
जमानसिंह गुरुङले प्रशिक्षित खेलाडीहरूले टोकियोको महत्त्वपूर्ण मञ्चमा देखाएको आत्मविश्वास, प्रतिबद्धता र प्रदर्शनले करातेमार्फत कोरिया र नेपाल दुवैलाई गौरवान्वित बनाएको छ।
डेफलिम्पिक्समा प्राप्त यो सफलता केवल खेलाडीहरूको व्यक्तिगत उपलब्धि मात्र नभई, प्रशिक्षक गुरुङको समर्पण, अनुशासन र पेशागत योगदानको प्रतीक बनेको छ।
