दक्षिण कोरियामा बसोबास गर्ने नेपाली समुदायबीच साहित्यिक चेतना विस्तार गर्ने उद्देश्यसहित कवि शकुन आँसुको कविता संग्रह ‘नवयुगकी सुम्निमा’ बारे विशेष चर्चा कार्यक्रम आगामी नोभेम्बर ३०, २०२५ (आइतबार) मा हुने भएको छ।
इतर अभियान, दक्षिण कोरियाको आयोजनामा हुन लागेको उक्त कार्यक्रम बिहान ११:००बजे, सिओलको 종로구 창신길 51, 5층 MG새마을금고 (동대문역 LINE 1, EXIT 1) मा तय गरिएको छ।
कार्यक्रममा दिलिप बान्तवा, सुष्मा रानाहँमा,स्पन्दन दीपक खनाल लगायतका वक्ताहरूले कविता संग्रहका विषयगत कवितामा समेटिएका भावनात्मक तथा सामाजिक आयाम, भाषा र शैलीबारे आफ्ना धारणा प्रस्तुत गर्नेछन्।
सञ्चालन उत्तम खजुमले गर्नेछन्।
आयोजकका अनुसार प्रवासमा बस्ने नेपालीबीच साहित्यिक संवाद, सिर्जनात्मक ऊर्जा आदानप्रदान र नयाँ पुस्तालाई साहित्यप्रति आकर्षित गराउने उद्देश्यले यो कार्यक्रम आयोजना गरिएको हो।
साहित्यप्रेमी, विद्यार्थी तथा सरोकारवालाहरूलाई समयमै उपस्थित भई कार्यक्रममा सहभागी हुन आयोजकले आग्रह गरेको छ।
