नेपाल तमाङ घेदुङ दक्षिण कोरियाको १२औँ महाधिवेशन–२०२५ यही नोभेम्बर २३ (आइतबार)सउलको दोङ्देमुनस्थित सभाहलमा भव्य रूपमा हुने भएको छ। “तामाङ भाषा, धर्म, कला, संस्कार, संस्कृतिको प्रवर्द्धन गर्दै संगठनको पहिचान र अस्तित्व मजबूत बनाउने” उद्देश्यसहित महाधिवेशनको तयारी अन्तिम चरणमा पुगेको आयोजकले जनाएको छ।
महाधिवेशनलाई लक्षित गर्दै अध्यक्ष पदका लागि पाँच जना आकांक्षी दाबीका साथ अघि आएको बुझिएको छ। संगठनभित्र स्वस्थ प्रतिस्पर्धा र पारदर्शी प्रक्रियासहित नयाँ नेतृत्व चयन हुने अपेक्षा गरिएको छ।
अध्यक्ष पदका पाँच आकांक्षी :
1. रामबहादुर तामाङ – हालको वरिष्ठ उपाध्यक्ष
2. दावा फिन्जो तामाङ – हालका महासचिव
3. बुद्धिबहादुर तामाङ (BB Syangtan) – हालका उपाध्यक्ष
4. गणेश योंजन तामाङ – हालका उपाध्यक्ष
5. पूर्णमान तामाङ – हालका सह-कोषाध्यक्ष
कार्यक्रम नोभेम्बर २३ तारिक आईतवार मध्यान्ह ठिक १२:०० बजे 서울시 종로구 창신길51, 5층 MG 새마을금고 동대문역 EXIT No.1 बाट २ सय मिटर अगाडि सुरु हुने आयोजकले जनाएको छ।
महाधिवेशनमा दक्षिण कोरियाभर रहेका तामाङ लगायत गैर तमाङ समुदायका सबैलाई उपस्थितिको लागि आयोजकले हार्दिक निमन्त्रणा गरेको छ।
