नेपाल आदिवासी जनजाति महासंघ (NEFIN) गणतन्त्र कोरियाले आफ्नो ९ औं महाधिवेशन यही नोभेम्बर ९ (आईतवार) का दिन सौलमा गर्ने भएको छ।
“रैथाने भाषा, कला, संस्कृति र मौलिक परम्पराहरूलाई संरक्षण एवं प्रवर्द्धन गर्दै, पहिचान र अधिकार प्राप्तिको आन्दोलनमा एकाकार बनौं” भन्ने नाराका साथ स्थापित सस्थाले नोभेम्बर ९ तारिक आईतवारका दिन महाधिवेशन आयोजना गर्न लागेको हो। मध्यान्ह १२:०० बजे देखि सुरु हुने यस् कार्यक्रम सौल स्थित 서울시 종로구 창신길51, 5층 MG 새마을금고 동대문역 EXIT No. 1 बाट २ सय मिटर अगाडि गर्ने निर्धारण गरिएको छ।
कार्यक्रममा कोरियामा रहेका विभिन्न समुदाय, संघ–संस्था, तथा नेपाली जनसमुदायको सहभागिता रहने बताइएको छ।
आयोजक नेपाल आदिवासी जनजाति महासंघ (NEFIN) गणतन्त्र कोरिया ले सबैलाई महाधिवेशनमा उपस्थित भई एकता, पहिचान र सांस्कृतिक गौरवका लागि सहकार्य गर्न हार्दिक निमन्त्रणा गरेको छ।
