लगातारको विवाद र पद रिक्ततापछि नयाँ नेतृत्वको आगमन
बिपिन कुमार गुरुङ अध्यक्ष रहेको गैर–आवासीय नेपाली संघ (NRNA–NCC South Korea) को कार्यसमितिले नयाँ महासचिवको रूपमा नरेश शर्मालाई मनोनित गरेको छ।
संघका तात्कालिन महासचिव अजय सोडारी (पूर्ण वहादुर बुढा) नेपाल फर्किएपछि रिक्त बनेको पदमा शर्मा नियुक्त गरिएको हो। आइतबार दोङ्देमुनस्थित संघको कार्यालयमा बसेको कार्यसमिति, सल्लाहकार र संरक्षक सहितको बैठकले उक्त निर्णय गरेको हो।
गत केही हप्तादेखि संघभित्र आन्तरिक विवाद तीव्र बनेको थियो।उक्त घटनाले संस्था नै विवादको केन्द्रमा परेपछि, नेतृत्वले महासचिवको पद रिक्त घोषणा गर्दै नयाँ अनुशासन र स्थायित्वका लागि नरेश शर्मालाई जिम्मेवारी दिएको हो।
बैठकले सो अवसरमा खाली रहेका सचिवमा अनन्त आचार्य,युवा संयोजकमा खगेन्द्र जोशी र सदस्यमा सन्जिब जङ कार्की लाई पनि नयाँ मनोनयन गरेको छ।
अध्यक्ष गुरुङले नयाँ टोलीले संगठनलाई पारदर्शी, संयमित र सहकार्यपूर्ण ढंगले अघि बढाउने विश्वास व्यक्त गरेका छन्।
🟣 विशाल आवाज टिप्पणी:
लामो विवाद, आरोप–प्रत्यारोप र किर्ते हस्ताक्षर प्रकरणपछि एनआरएनए कोरिया अब नयाँ मोडमा पुगेको छ।
अब संस्थाको विश्वसनीयता र एकता पुनःस्थापनाको चुनौती नयाँ महासचिव नरेश शर्माको काँधमा पुगेको छ। अब ध्यान संस्थाको विश्वसनीयता पुनःस्थापनातर्फ केन्द्रित हुने अपेक्षा गरिएको छ।
