बोम्जन गुरुङ:“आजको आवश्यकता प्रवासी पर्वतेहरुको एकता, भूमिमा हाम्रो एकता, समुन्नत समाज, समृद्ध पर्वत निर्माणमा हाम्रो अभियान” भन्ने मूल नारालाई आत्मसात् गर्दै अगाडि बढिरहेको क्षेत्रीय संस्था पर्वत समाज दक्षिण कोरियाले आफ्नो पाँचौ अधिवेशन आगामी नोभेम्बर २३ (आइतबार) का दिन आयोजना गर्ने भएको छ।
संस्थाका अध्यक्ष दीपक केसीका अनुसार, चौथो कार्यसमितिको कार्यकाल सफलतापूर्वक सम्पन्न भइसकेकाले नयाँ कार्यसमिति चयन गरी संस्थालाई अझ सशक्त र गतिशील बनाउने उद्देश्यका साथ यो अधिवेशन आयोजना गर्न लागिएको हो।
सन् २००८ मा स्थापना भएको पर्वत समाज दक्षिण कोरियाले प्रवासी पर्वतेहरुलाई एकताको सूत्रमा बाँध्दै विभिन्न परोपकारी, सामाजिक र सांस्कृतिक गतिविधिहरूमा निरन्तर सक्रियता देखाउँदै आएको छ। संस्थाका महासचिव डा. कमला केसीले अधिवेशनका सबै तयारी तीव्र गतिमा अगाडि बढेको जानकारी दिँदै, कार्यक्रम बिहान ११:०० बजेबाट सुरु हुने बताइन्।
अधिवेशनलाई सभ्य, भव्य र ऐतिहासिक बनाउन संस्थाले सल्लाहकार, बुद्धिजीवी, शुभचिन्तक, सदस्य तथा कोरियास्थित सबै संघ–संस्था र प्रवासी नेपाली समुदायलाई हार्दिक निमन्त्रणासहित उपस्थितिका लागि अनुरोध गरेको छ।
तपसिल:
• मिति: २०२५ नोभेम्बर २३, आइतबार
• समय: बिहान ११:०० बजे
• स्थान: नेपाल थाई रेष्टुरेन्टको सभाहल, दोङ्देमुन – सउल
