परिश्रम, अनुशासन र आत्मविश्वासले जे पनि सम्भव हुन्छ भन्ने ज्वलन्त उदाहरण बनेका छन् — राजन श्रेष्ठ।
ईपीएस (E-9) कार्यक्रमअन्तर्गत सामान्य श्रमिकको रूपमा दक्षिण कोरिया आएका उनले आज महिनाको १ करोड वोनभन्दा बढी तलब पाउने स्तरमा पुगेर सम्पूर्ण प्रवासी नेपाली समुदायका लागि प्रेरणाको स्रोत बनेका छन्।
सुरुवातमा साधारण श्रमिकका रूपमा काम थालेका श्रेष्ठले कठिनाइ, अपमान र चिसो–तातो मौसमको पर्वाह नगरी आफ्नो काममा निरन्तरता दिए।
उनका नजिकका साथीहरू भन्छन् —
“७:५५ मा उठेर पनि मुख नधोई काममा पुग्ने, र दिनभर घाम–पानीको पर्वाह नगरी काममा तल्लिन रहने राजन दाइजस्तो समर्पण विरलै देखिन्छ।”
श्रेष्ठको दैनिकीमा विलास छैन — तर उद्देश्य छ।
उनी भन्छन्,
“म कमजोर छु भनेर कहिले हरेस खानु हुँदैन। कोरियनले गाली गर्यो भनेर डराउने होइन, बरु उसकै काम खोस्ने गरी राम्रो गर्नुपर्छ।”
यही आत्मबल र लगनका कारण आज उनी कोरियामा रहेका हजारौं नेपाली कामदारहरूमध्ये सबैभन्दा उच्च आम्दानी गर्ने व्यक्तिहरूमा गनिन्छन्।
उनको सफलताको पछाडि समयपालन, इमानदारी र कामप्रतिको गहिरो सम्मान लुकेको छ।
राजन श्रेष्ठको कथा केवल व्यक्तिगत सफलता होइन — यो प्रेरणाको कथा हो।
कोरियामा पसिना बगाइरहेका हजारौं युवाहरूका लागि उनको यात्रा एउटा सन्देश हो —
“मेहनत र निरन्तरताले असम्भवलाई पनि सम्भव बनाउँछ।”
