दक्षिण कोरियामा २५औं वार्षिकोत्सव भव्य रूपमा सम्पन्न गरी २९ औ बसन्तमा प्रवेश गरेको स्याङ्जा परिवार दक्षिण कोरियाले अब आफ्नो नाम परिवर्तन गरी ‘स्याङ्जा समाज दक्षिण कोरिया’ राख्ने निर्णय गरेको छ।
संस्थाले “स्याङ्जाली एकता उपकारी मन, सद्भाव संगै बिताऔं परदेशी जीवन” भन्ने मूल उद्देश्यलाई आत्मसात गर्दै एकीकृत, सशक्त र व्यवस्थित संरचना बनाउने उद्देश्यले संस्थाको नाम आधिकारिक रूपमा परिवर्तन गरेको हो।
संस्थाका अध्यक्ष सुशिल गुरुङ र सचिव टोजिन्द्र गुरुङले संयुक्त रूपमा जारी गरेको विज्ञप्तिमा भनिएको छ —
“संस्थाको विगतका कार्य, संरचना र उद्देश्यलाई निरन्तरता दिँदै अब सबै गतिविधि ‘स्याङ्जा समाज दक्षिण कोरिया’ नामबाट सञ्चालन गरिनेछ।”
यससँगै संस्थाका शाखा — स्याङ्जा परिवार दक्षिण कोरिया थेगु शाखा र किम्हे/बुसान शाखा — पनि नयाँ नाम स्याङ्जा समाज दक्षिण कोरिया अन्तर्गत रहनेछन्।
२९ वर्षदेखि दक्षिण कोरियामा रहेका स्याङ्जाली समुदायबीच सहयोग, सद्भाव र सामाजिक सेवा प्रवर्द्धन गर्दै आएको संस्थाले नयाँ नामसहित अझ सशक्त रूपमा समुदाय upliftment, आपतकालीन सहयोग, स्वास्थ्य र शिक्षा क्षेत्रमा योगदान पुर्याउने प्रतिबद्धता जनाएको छ।
