दक्षिण कोरियामा अब विदेशी नागरिकहरूले पनि सहजै बैंकबाट क्रेडिट ऋण (신용대출) लिन सक्ने भएका छन्। हालसम्म विदेशीप्रति कडाइ अपनाउने बैंकहरूले दीर्घकालीन ग्राहकको रूपमा आप्रवासी र श्रमिकलाई लक्षित गर्दै नयाँ योजना ल्याउने घोषणा गरेका हुन्।
८ अगस्टको तथ्यांकअनुसार, 하나 बैंक, एनएच नङ्ह्योप बैंक र शिनहान बैंकले विदेशीलाई लक्षित गर्दै छुट्टै क्रेडिट ऋण योजना ल्याउने तयारी गरिरहेका छन्।
• 하나 बैंकले यस महिनाभित्रै १० मिलियन वोन (करिब १ करोड रुपैयाँ) सम्मको ऋण दिने योजना सार्वजनिक गरिसकेको छ।
• एनएच नङ्ह्योप बैंकले ३० मिलियन वोन
• शिनहान बैंकले २० मिलियन वोन सम्मको क्रेडिट ऋण उपलब्ध गराउने तयारी गरिरहेका छन्।
विदेशी श्रमिक वा आप्रवासीहरूले नियमित आय भए पनि सामान्य बैंकिङ सेवा वा ऋण सुविधा पाउन निकै कठिनाइ हुँदै आएको थियो। नयाँ योजनाले यस क्षेत्रमा ठूलो राहत दिलाउने अपेक्षा गरिएको छ।
तर, बैंकहरूले यसलाई उच्च जोखिमयुक्त क्षेत्र मान्दै सावधानी अपनाउने जनाएका छन्। ऋण स्वीकृतिमा कामको स्थायित्व, बसोबास अवधि र आय स्तर प्रमुख आधार रहनेछन्।
वित्तीय विज्ञहरूले यस कदमलाई ‘नयाँ बजार खोल्ने रणनीति’ भन्दै स्वागत गरेका छन्। उनीहरूको भनाइमा, विदेशी ग्राहकहरूलाई समेट्न सकेमा उनीहरू दीर्घकालीन स्थायी ग्राहक बन्न सक्ने भएकाले यसले बैंकिङ क्षेत्रमा सकारात्मक प्रभाव पार्नेछ।
