अगस्ट २९ मा हुने शल्यक्रियाका लागि करिब दुई करोड वोन आवश्यक, सहयोग संकलन अभियान अगस्ट २५ सम्म मात्र खुला
बिशाल आवाज: पाँचथर, याङ्वरक गाउँपालिका निवासी (हाल दक्षिण कोरिया) निर्मल सेलिङ गम्भीर स्वास्थ्य समस्यामा परेपछि उनको उपचारका लागि कोरियामा रहेका नेपाली समुदायले आर्थिक सहयोग अभियान सुरु गरेका छन् ।
करिब ३ वर्षअघि रोजगारीका लागि कोरिया आएका सेलिङ करिब १५ महिनाअघि दाहिने हातमा सुन्निने, दुख्ने समस्या देखिएपछि 김포 우리 병원 मा भर्ना भएका थिए । प्रारम्भिक उपचारपछि समेत सुधार नआएपछि उनलाई 강남 세브란스 अस्पताल, सउलमा रिफर गरिएको हो ।
त्यहाँको परीक्षणमा उनको दाहिने हातको रक्तनली अवरुद्ध (Block) भएको पत्ता लागी ठूलो शल्यक्रिया गर्नुपर्ने चिकित्सकले बताएका छन् । तर उक्त उपचारमा करिब दुई करोड वोनभन्दा बढी खर्च लाग्ने र बीमाबाट खर्च नझर्ने भएकाले ठूलो आर्थिक समस्या खडा भएको हो ।
यस कारण सेलिङको उपचार खर्च जुटाउन विभिन्न संघ–संस्था र सहयोगी व्यक्तिहरुको पहलमा आर्थिक सहयोग अभियान सुरु गरिएको छ । अभियानलाई पाचथर सेवा समाज दक्षिण कोरिया, किरात याक्थुङ चुम्लुङ दक्षिण कोरिया, पुर्बी नेपाल समाज लगायतका संस्थाले संयोजन गरिरहेका छन् ।
निर्मल सेलिङको शल्यक्रिया आगामी अगस्ट २९ (२०२५/०८/२९) मा 강남 세브란스 अस्पतालमा हुने कार्यक्रम रहेको छ भने सहयोग संकलनको अन्तिम मिति अगस्ट २५ तोकिएको छ ।
💳 सहयोगका लागि विवरण :
👉 खाता नम्बर: 01099619410 (LAWATI KIRAN)
👉 बैंक: IBK Bank (키업 은행, Code 03)
👉 बिरामी सम्पर्क: 01059378346 (निर्मल सेलिङ)
नोट: सहयोग रकम पठाइसकेपछि अनिवार्य रुपमा रसिद पठाउन आयोजकले अनुरोध गरेका छन् ।
आयोजक संस्थाहरुले साना–ठूला सहयोग सबै महत्त्वपूर्ण हुने भन्दै सम्पूर्ण कोरियावासी नेपाली दिदी–बहिनी तथा दाजुभाइहरुलाई आ–आफ्नो सामर्थ्यअनुसार सहयोग गर्न आग्रह गरेका छन् ।
