बिशाल आवाज: दक्षिण कोरियामा रहेका राप्तीवासीहरुको अग्रणी संस्था राप्ती समाज दक्षिण कोरियाले आफ्नो सातौं अधिवेशन आगामी सेप्टेम्बर ७, आइतबार बिहान ११:०० बजे सउलको दोङदेमुनस्थित नेपाल थाई रेस्टुरेन्टको सभाहलमा आयोजना गर्ने भएको छ। अधिवेशन नयाँ कार्यसमिति चयन गर्ने तथा आपसी सहयोग, सद्भाव र एकता प्रवर्द्धन गर्ने उद्देश्यले आयोजना गर्न लागिएको हो।
“हामी जहाँ भएपनी हाम्रो एउटै विशेषता, विशुद्ध सामाजिक कामका लागि राप्ती समाजको एकता” भन्ने मूल नाराका साथ सन् २००६ मा स्थापना भएको राप्ती समाज दक्षिण कोरियाले विगत १९ वर्षदेखि कोरियामा कार्यरत राप्तीवासी तथा सम्पूर्ण नेपालीबीच आपसी सहयोग, सद्भाव, समझदारी र भाइचारा अभिवृद्धि गर्दै आएको छ।
हालको छैटौं कार्यसमितिको कार्यकाल पूरा भएपछि, अब आगामी दुई वर्षका लागि नयाँ सातौं कार्यसमिति चयन गर्नुपर्ने भएकाले अधिवेशन आयोजना गरिएको संस्थाका अध्यक्ष अमृत केसी ले जानकारी दिए।
महासचिव बायु पौडेल का अनुसार अधिवेशनलाई सभ्य र भव्य बनाउन सम्पूर्ण संरक्षक, सल्लाहकार, बुद्धिजीवी, शुभचिन्तक, संघसंस्था, सदस्य तथा कोरियामा रहेका सबै नेपाली र राप्तीवासीमा हार्दिक अनुरोध गरिएको छ।
📅 मिति: ७ सेप्टेम्बर २०२५ (आइतबार)
🕚 समय: बिहान ११:०० बजे
📍 स्थान: नेपाल थाई रेस्टुरेन्ट सभा हल, दोङदेमुन, सउल
सम्पर्क:
अमृत केसी – ०१०-५१९०-६२९१
किसन बली – ०१०-६३६६-७०८६
बायु पौडेल – ०१०-४८४९-२९६६
बिर कुमार वली – ०१०-३३००-७२२०
