अब दक्षिण कोरियामा सामान किन्दा नगद वा कार्ड नचलिए पनि हुन्छ। केवल अनुहार देखाएरै पैसा तिर्न मिल्ने सुविधा फैलिँदैछ।
यो प्रविधिलाई “Pay by Face” भनिन्छ। यसमा तपाईंले कार्ड, मोबाइल, वा QR को आवश्यकता पर्दैन — क्यामेराले तपाईंको अनुहार चिन्न्छ र भुक्तानी सकिन्छ।
सुरुमा Shinhan Card ले सन् २०१९ मा आफ्नै अफिसको क्यान्टिन र केही क्याफेहरूमा यो सेवा सुरू गरेको थियो। पछि यो विश्वविद्यालय र सुपरमार्केट हरूमा पनि विस्तार गरिएको थियो। तर, पहिले अनुहार दर्ता गर्न बैंक जानुपर्ने झण्झट र गोपनीयता (प्राइभेसी) को डरले धेरैले यो प्रयोग गरेनन्।
तर अहिले भने Naver Pay र Toss जस्ता ठूला मोबाइल एपहरूले यो सेवा दिन थालेका छन्। अब एपमै अनुहार दर्ता गर्न मिल्ने भएकोले प्रयोग गर्न सजिलो भएको छ।
यो सेवा अहिले जसले प्रविधि मन पराउँछन्, खासगरी युवाहरू माझ लोकप्रिय बन्दैछ।
अब कोरियामा बस्ने हामी नेपालीहरूका लागि पनि, यदि तपाईं Naver Pay वा Toss प्रयोग गर्नुहुन्छ भने, अनुहार देखाएरै कफी किन्न मिल्ने दिन टाढा छैन!
