विशाल श्रेष्ठ/ दक्षिण कोरिया: “प्रवासी भूमिमा बाग्लुङेहरुको एकता,सामाजिक कार्यमा सबैको सहभागिता ,आपतकालिन अवस्थामा बाग्लुङ समाजको आवश्यकता” भन्ने मुलनारा लिएर २००१ मा कोरियामा रहेका बाग्लुङेली बासि हरु मिलेर स्थापना भएको बाग्लुङ समाज दक्षिण कोरियाको अध्यक्षमा भुमिराज भुसाल लाइ चयन गरि दशौ अधिबेशन सम्पन्न भएको छ ।
SHILA RESTAURANT(जोङ्गाक स्टेशन,लाइन न १ गेट न १२ नजिकै ) जनवरी २३ तारिखका दिन भएको १० औ अधिवेशनबाट सर्वसम्मत रुपमा भुमिराज भुसाल लाइ अध्यक्ष र सचिबमा केशव आचार्य लाइ चयन गरेको छ ।बाग्लुङ समाज दक्षिण कोरिया कार्यवाहक अध्यक्ष भुमिराज भुसालको अध्यक्षतामा आयोजित सचिव राजु नेपालीले सन्चालन गरेको कार्यक्रममा अन्तर्राष्ट्रिय बागलुङ समाजका उपाध्यक्ष सुवास लामिछाने प्रमुख अतिथि तथा बागलुङ समाज दक्षिण कोरियाका संरक्षक विपिन गुरुङ, बरिष्ठ सल्लाहकार हरु छानि चन्द,टेक पुन ,नबिन काला, अन्तर्राष्ट्रिय बाग्लुङ समाजका महासचिव प्रेम पौडेल तथा गण्डकी प्रदेश दक्षिण कोरियाका अध्यक्ष प्रविन गिरि विशेष अतिथि थिए । साथै दक्षिण कोरियामा रहेका विभिन्न संघ संस्थावाट प्रतिनिधित्व गरेर प्रतिनिधि तथा अध्यक्ष ज्यु हरु लगायत विभिन्न विशिष्ट व्यक्तित्वहरूको अतिथित्वमा सम्पन्न समाजको दशौ अधिवेशन वाट नेतृत्वमा वरिष्ठ उपाध्यक्षमा राजु नेपाली तथा उपाध्यक्षमा केदार गौतम,दुर्गा वहादुर गुरुङ, सोम ढकाल सह-सचिव मा विशाल थापा ,कोषाध्यक्षमा अमृत वाग्ले र सह कोषाध्यक्षमा नारायण शर्मा रहेको छ। यसैगरी सदस्य हरुमा विकास सेन, निसान चन्द ठकुरी, महेन्द्र थापा,दल ब.थापा,शिव क्षत्री ,अनिल शर्मा,हरि आचार्य रहेका छन्।
सल्लाहकार तथा विभिन्न विभाग पहिलो बैठक बाट कार्यसमितिले चयन गर्नेगरि विपिन गुरुङको संयोजकत्वमा टेक पुन,छानु चन्द,सुवास लामिछाने , जगेन्द्र थापा र नविन काला ६ जनाको टिमको निर्वाचन मण्डलका टिमले सम्पुर्ण समिति सर्वसम्मत तरिकाले निर्विरोध चयन गरेको थियो ।
निर्वाचन मण्डलका तर्फबाट जगेन्द्र थापाले सन्चालन गरेको बन्दसत्रमा नवनिर्वाचित कार्यसमिति पदाधिकारी हरुलाइ बधाई तथा शुभकामना दिदै बिशेष अतिथि तथा बाग्लुङ समाज दक्षिण कोरियाको बरिष्ठ संरक्षक बिपिन गुरुङले ले आगामी दिनहरुमा पनि सस्थाको नितिनियममा रहेर काम गर्न र एक्यबद्धता जनाउन अनुरोध गर्नुभएको छ।
