विशाल आवाज: कोरियन नयाँ वर्ष सलनाल तथा नेपालको राष्ट्रिय चाड तामाङ, गुरुङ र शेर्पा समुदायको मौलिक चाड ल्होछार/ल्होसार र माघीको अवसरमा नोनसानमा जनवरी २५ मा हुने शुभकामना आदानप्रदान साथै डान्स पार्टीको सम्पूर्ण तयारी पुरा भएको छ।
कोरियन नयाँ वर्ष सलनालको अवसरमा नोनसान स्थित नोन्सान नेपाली समाज दक्षिण कोरियाले स्थानीय कलाकारहरूको प्रस्तुतिका साथमा जनवरी २५ तारिख शनिबार सलनाल, नेपाली चाड ल्होसार/ल्होछार/माघी लगायत विभिन्न सांस्कृतिक चाडहरूको शुभकामना आदानप्रदान साथै डान्स पार्टी कार्यक्रम आयोजना गर्नेभएको हो। कार्यक्रम पहिले छुसक डान्स पार्टी भएको हल 충남도 논산시 중앙로 480번길 5 मा हुने आयोजकले जनाएको छ।
बेलुकी ७ बजेदेखि बिहान ४ बजेसम्म ननस्टप डिजेको साथमा हुने डान्स पार्टी को प्रवेश शुल्क २० हजार कोरियन वन तोकिएको छ । कार्यक्रममा उपस्थित हुनेलाई खाप्से, अचार कोदोको छङ्गुल साथै एउटा ड्रिंक्स फ्रीमा दिने समेत आयोजकले जनाएको छ।
हामी नेपाली विश्वको जुनसुकै स्थानमा कर्म गरेता पनि आफ्नो पहिचान इतिहास र संस्कृतिको संरक्षण र सम्बर्द्धन गर्ने कुरालाई विशेष दायित्व सम्झी आयोजित कार्यक्रममा विशेषगरी नोनसान आसपास लगायत ,दक्षिण कोरिया बासि सम्पुर्ण नेपाली दाजुभाई तथा दिदी बहिनीहरुलाइ उपस्थित भएर कार्यक्रम लाइ सभ्य र भब्यताका साथ सफल पार्नु हुन आयोजकले विशाल आवाज मार्फत निमन्त्रणा गर्दै आह्वान समेत गरेको छ ।
