विशाल आवाज: दक्षिण कोरियाको दोस्रो ठूलो सहर बुसानमा छुसकमा आयोजित “सुदुरपश्चिम बुसान सांगीतिक धमाका-२०२४” को आयव्यय सार्वजनिक भएको छ।
कोरियन महान चाड छुसकको अवसर पारि सुदूरपश्चिम समाज बुसान दक्षिण कोरियाको आयोजनामा सेप्टेम्बर १६ तारिखका दिन बुसान स्थित Eunseok cultural & welfare center आयोजित “सुदुरपश्चिम बुसान सांगीतिक धमाका-२०२४’ को किम्हे स्थित न्यू लिटल इन्डिया रेस्टुरेन्ट मा एक कार्यक्रम गरी आय व्यय सार्वजनिक सार्वजनिक गरिएको हो।
सार्वजनिक विवरणअनुसार सहयोगदाताबाट संकलित रकम, स्पोन्सरबाट प्राप्त र टिकट बिक्रीबाट गरि जम्मा ३ करोड १३ लाख ५४ हजार ६०१ कोरियन वन आम्दानी भएको जनाइएको छ भने विभिन्न शीर्षकमा १ करोड ८५ लाख १३ हजार ६९३ कोरियन वन खर्च भई कुल बचत १ करोड २८ लाख ४० हजार ९०८ भएको बताइएको छ । यसैगरी सहयोगिदाताबाट २७ लाख ८२ हजार कोरियन वन भने उठ्नै बाँकी रहेको आयोजकले जनाएको छ।
“दुर्गम क्षेत्रका अनाथ बालबालिकाको शैक्षिक क्षेत्रमा सहयोगार्थ” आयोजना भएको कार्यक्रमको बचतको ५०% अनाथ बालबालिकाले सहयोग गर्ने संस्थाका अध्यक्ष देवराज बडु ले विशाल आवाजलाई जानकारी दिनुभएको छ। “सुदूरपश्चिम बुसान सांगीतिक धमाका-२०२४” मा लोकप्रिय राष्ट्रिय कलाकारहरू अस्मिता अधिकारी, मेरो डान्स युनिफर्सको विजेता खुसी कार्कीको साथमा दक्षिण कोरियामा रहेका स्थानीय कलाकारहरू प्रकाश गिरी, तुफान मगर, अनिता खड्का,माइकल बिष्ट, एरिक लिम्बु, कम्लेक्स साउद र CMON GM को समेत धमाकेदार प्रस्तुति रहेको थियो।
